Autonomoentzako diru-laguntza aurrekontua motz geratu da
Gauerditik aurrera egin zitekeen diru-laguntzen eskakizuna, Lanbideren webgunean. Laguntza eskakizuna egin asmoz web-orrian sartutako jendea hainbeste izan da, zerbitzariak gainezka egin duela, ordu batzuez Lanbideren webgunea kolapsatuz.
Koronabirusak eragindako krisiaren ondorioz jarduna eten duten langile autonomoentzako diru-laguntzak eskatzeko epea gauerdian ireki da. Ordu horretarako hainbat erabiltzaile sartu dira Lanbideko webgunean, eta bisita kopuruak web-orria zerbitzuz kanpo utzi du zenbait orduz.
Bi aukera zeuden diru-laguntza eskakizunak egiteko: tramitazio elektroniko bidez edo Lanbideko webgunean aurki daitekeen eskabide orria beteta. Tramitazio elektronikoaren aukera ez da martxan jarri goizaldeko 04:00ak arte, eta zergatia ikertzen ari dira; behin martxa hartuta, 1.836 eskaera jaso dituzte goizeko 08:00ak orduko. Orotara, 10.000 eskabidetik gora jaso ditu Jaurlaritzak. Eskaerak iritsi diren dituzten ordenaren arabera banatuko dituzte diru-laguntzak.
Eskakizun kopuruaren munta ikusirik, diru-laguntza hauetara bideratutako 3 milioi euroko aurrekontua motz geratu da. Norbanako bakoitzak gehienez ere 3.000€ jaso dezakeela kontuan hartuta, laguntzak 1.000 eta 2.000 autonomo ingururen beharrizanak asetu ahalko lituzke. Eskakizunak, aldiz, 10.000tik gora dira.
Gauzak horrela, Lanbideko zuzendari nagusi Borja Belandiak adierazi du aurrekontua handitu daitekeen aztertuko dutela: "Orain, beste sail batzuekin batera aztertu behar dugu zeintzuk diren gobernuaren lehentasunak, eta posible ote den diru sail hori handitzea eta pertsona gehiagorengana heltzea”.
Nafarroako autonomoentzako diru-laguntzak
Nafarroako autonomoei dagokienez, Nafarroako Gobernuak asteazkenean iragarri zuen autonomoentzako 2.200 eta 700 euroko laguntzak onartu zituela. Laguntza hori esleituko zaie jarduera eten duten eta zenbait baldintza betetzen dituzten langileei. Baldintza horien aretan leudeke, besteak beste, Nafarroan bizitzea, aurten enplegua sustatzeko laguntzarik eskatu ez izana eta Ogasunarekin zorrik ez izatea.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.