Astelehenetik aurrera Euskal Herri osoan ibili ahal izatea eskatu du Urkulluk eta ezetz erantzun du Espainiako Gobernuak
Ondo bidean, astelehenetik aurrera Hego Euskal Herria hirugarren fasean sartu daitekeela-eta, horrek EAEn ekarriko dituen aldaketak azaldu ditu Arantxa Tapia sailburuak. Horrez gain, jakinarazi du EAE, Nafarroa eta Akitania Berria artean libre mugitu ahal izatea eskatu diela lehendakariak Espainiako eta Frantziako gobernuei. Halakorik ezin dela egin erantzun du segituan Espainiako Gobernuak.
"Hirugarren fasearen barruan, erkidegoetako presidenteek erkidego barruko mugikortasun irizpideak malgutu ditzakete, baina normaltasun berria iritsi arte ezinezkoa izango da erkidegoen arteko mugikortasuna", adierazi du Salvador Illa Espainiako Gobernuko Osasun ministroak. Alegia, ekainaren 22ra arte itxaron beharko litzatekeela EAEtik Nafarroara eta Nafarroatik EAEra mugitzeko.
Taberna eta jatetxeetan, gehienezko kopururik ez
Hirugarren fasera pasatuz gero Araba, Bizkaia eta Gipuzkoan izango liratekeen aldaketak azaldu ditu Tapiak, erkidegoen gain geratuko baita erabakimena. Taberna eta jatetxeek, adibidez, ez dute gehienezko bezero kopururik izango eta barran kontsumitu ahal izango da, beti ere elkarren artean bi metroko tartea utzita.
Saltoki, denda eta merkataritza-guneetako edukiera %60ra handituko dute, eremu komunak eta jolas-espazioak barne. Hotel eta ostatu turistikoek %50eko edukiera izango dute espazio partekatuetan.
Liburutegietan, zinema-aretoetan, auditorioetan eta kultur ekitaldietan aforoa erdira arte bete ahal izango da. Ekitaldi itxietan, gehienez 80 pertsona, eta aire zabalean berriz, gehienez 1.000 lagun.
Udalekuei dagokienez, hemen ere gehienezko kopurua %50ekoa izango da: leku itxietan 80 pertsona gehienez, leku irekietan 200, begiraleak barne.
Garraioa %100ean berreskuratuko da.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.