Aritz Olagoik jasoko du Kiroletik Bagoaz Euskaraz lehen saria
Euskararen normalizazioaren aldeko lanetan nabarmendutakoei aitortza emateko sortu du saria Eusko Jaurlaritzak. Lehen edizioa Aritz Olagoi kirol psikologoak jasoko du.
Asteazkenean, hilak 14, jasoko du saria Aritz Olagoik, arratsaldeko 18:00tan Donostiako Aquariumean egingo den ekitaldian. Kiroletik Bagoaz Euskaraz saria sortu du Eusko Jaurlaritzak “kirol munduan gertatzen diren euskararen aldeko praxiak prestigiatzeko.”
Aritz Olagoi Psikologian lizentziatua da eta Jarduera Fisikoaren eta Kirolaren Psikologian espezializatuta dago. Euskara kirolean sustatzeko hainbat egitasmo propio sortu ditu, eta batez ere Kirol Entrenamenduetan Euskara Sustatzeko (KEES) Metodologia garatzeagatik, jasoko du saria.
Sari honek 2021-2024 Kirolean Euskara Sustatzeko Planean du bere jatorria eta urtero banatuko dira. Olagoirekin batera, sariaren lehen edizioan ebaluatu diren beste hamar hautagaitzek ere aitortza jasoko dute: Añorga Kultur eta Kirol Elkartea, Oarsoaldeko Kirol Lan-Mahaia, EHUko Hezkuntza eta Kirol Fakultatea, Gaztedi Rugby taldea, EHUko GIKAFIT Ikerketa taldea, Oihana Azkorbebeitia, Ostaiska Egia, Arritxu Iribar, Ibon Oregi eta Pou anaiak.
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]