Altzoko Handiaren hezurrak topatu dituzte Altzoazpiko hilerrian
Gorpuzkiak ez zeuden Migel Joakin Eleizegiren hilobian, hezurtegian baizik.
Aranzadi Zientzia Elkarteak Miguel Joakin Eleizegi Altzoko Handiaren gorpuzkiak aurkitu ditu herriko hilerrian bertan, larunbat arratsaldean. Pilar Unsain Eleizegi ondorengoa izan zen albistearen berri izan zuen lehena. Unsainek Paco Etxebarria antropologoaren deia jaso zuen, hilerrira hurbiltzeko eskatuz. Herriko alkateak jakinarazi zion gorpuzkiak aurkitu zituztela.
Aranzadi Zientzia Elkarteko 15 laguneko ikerketa taldea lanean zebilen abuztuaren 12tik, Altzoko hilerrian indusketa lanetan, Paco Etxeberria eta Lurdes Errasti buru.
Miguel Joakin Eleizegi XIX. mendeko gipuzkoar erraldoi bat izan zen. Garaiko lekukotzen arabera, Elizegik 2,42 metro inguru neurtzen zituen. Nazioartean ibili zen, Elisabet II.a Espainiakoaren eta Erresuma Batuko Victoria erreginaren aurrean besteak beste. 1861ean hil zen, gaixotasun batek jota.
Elezaharrak zabaldu ziren haren gorpuzkien kokalekuaren inguruan. Bi hipotesi handi zeuden erraldoiaren inguruan: lehena, hezurrak herrian bertan lurperatuta zeudela; eta bigarrena, berriz, norbaitek hondakinak lapurtu egin zituela ikerketa baterako. Dirudienez, egia misterio gutxien gordetzen zuena da: gorpuzkiak ez dira inoiz Altzotik mugitu.
Astelehen honetan, Aranzadiko adituekin batera, Eleizegiren ondorengoek elizaren ondoan dagoen hilerri txikian aurkitutakoa erakutsiko diete hedabideei.
Udalak jakinarazi du herrian bertan egingo diotela omenaldia apirilaren 28an. Igande honetan, aldiz, beste 198 fusilaturekin batera omenduko dute Valladoliden, baina ez dute hango memorialean hobiratuko.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]