Aintzane Pujana atxiki izana eta sexualki esplotatzea leporatu die epaileak ustezko hiltzaileei
Azpeitiko 1. Instrukzio Epaitegiko epaileak bi delitu gehiago leporatu dizkie berriki Pujanaren hilketagatik ikerketapean dauden bi pertsonei: emakumea atxiki izana eta sexualki esplotatu izana. Hala bada, indarkeria matxista zantzuak lituzke kasuak. Emakumeen Mugimendu Demokratikoa elkarteak elkarretaratzea deitu du ostiralerako, 19:00etan, Donostiako Boulevardeko kioskoaren ondoan, hilketa gaitzesteko.
Aintzane Pujanaren ustezko hiltzaileen delituen zerrendan bi puntu gehitu ditu Azpeitiko 1. Instrukzio Epaitegiko epaileak: emakumea atxiki eta sexualki esplotatu izana. Epaileak akusazioak irekitzea erabaki du Ertzaintzaren frogak jaso eta akusatuei deklarazioa hartu ostean.
Pujana, 32 urteko emakume donostiarra, hilik agertu zen urtarrilaren 4an Aizarnazabalgo Etxabe auzoan, Urola ibaiaren ertzean. Haren bikotekideak urtarrilaren 1ean salatu zuen desagerpena. Ertzaintzak burututako ikerketaren arabera, Pujana urtarrilaren 2ko goizaldean hil zuten labankadaz, liskar baten ondotik. Ustezko hiltzaileak Aizarnazabalgo landetxe bateko apartamenduan biktimarekin bizi ziren bi pisukideak dira, Errenteriakoak biak: 24 urte ditu horietako batek, gizonezkoak, eta 23 besteak, emakumezkoak. Urtarrilaren 12an atxilotu zituzten, eta Martuteneko espetxean daude.
Azken akusazioen nolakotasunak kontuan hartuta, Aintzane Pujanaren kasuak zerikusia luke indarkeria matxistarekin.
Emakumeen Mugimendu Demokratikoaren gaitzespena
EMD elkarteak hilketa gaitzetsi du eta Pujana atxiki, prostituitu eta hil izana salatu du. Biktimaren familiari eta lagunei elkartasuna adierazi die eta hilketaren nondik norakoak argitzeko eskatu du. Elkarteak hilketa matxistatatzat jo du eta gaitzespena adierazteko elkarretaratzea deitu du ostiralerako, hilak 22, 19:00etan, Donostiako Boulevardeko kioskoaren ondoan. Elkarteak gogorarazi du maskara erabiltzea derrigorrezkoa dela eta segurtasun-distantzia mantenduko dela.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]