Generalitateak azaldu duenez, jauzi handi hori eman da orain arte bakarrik ospitaletako hildakoak kontatzen zirelako eta orain funerarietatik emandako datu guztiak ere kontuan hartzen direlako, beti ere hauek Covid-19aren sintomak zituztenean.

Hildakoen datu berrituak beraz, honakoak lirateke: 3.855 ospitaletakoak, asteazkenean baino 99 gehiago; 1.810 zahar-etxeetakoak, 456 etxeetakoak eta 62 bestelako soziosanitarioetakoak. Informazio faltagatik ez dakite beste 99 hildako non gertatu diren.

Horrela, eta beti ere datu ofizialen arabera, Katalunian kutsatutakoak 39.375 pertsona lirateke. Dena den, ezaguna da kopuru hau askoz handiagoa dela, eta gaur lehenbizikoz aipatu da sintomatologiaren arabera, 55.457 izan daitezkeela.