340 langilerentzako kaleratze dosierra aurkeztuko du Fagor Etxetresnen administratzaileak
Administratzaileak dosier berean sartu ditu Grumal, Edesa eta Fagor Etxetresenen soldatapeko langileak. Grumaleko langileek kooperatiba bat sortzeko egindako proposamena baztertu egin du, hasiera batean, Mondragonek.
Fagor Etxetresna Elektrikoen (FEE) konkurtso administratzaileak atzo jakinarazi zuenez, 15 eguneko epean aurkeztuko du kaleratze dosierra 340 langilerentzat. Dosier berean bildu ditu FEEko soldatapekoak (105 langile), Grumalekoak (148) eta Edesakoak (80). Hala azaldu du El Diario Vasco egunkariak gaurko paperezko edizioan.
Egunkari kontserbadoreak dioenez dosierra aurkeztu ondoren langile horien ordezkariekin negoziazio prozesua hasiko da. Era berean, administratzaileak baieztatu du Azpeitiko Grumal enpresa likidatzeko bidean jarriko duela, eta ondoren langile gutxiago izango lituzkeen “proiektu berria” martxan jartzen saiatuko dela.
Grumaleko enpresa komiteak beste proposamen bat aurkeztu zion administratzaileari. Langileak prest dira euren kabuz 40 edo 50entzako kooperatiba bat sortzeko, baldin eta 55 urtetik gorakoak aurrejubilatu eta gainerakoak Mondragonen birkokatze planean sartzen badira. Erantzuna egun gutxi barru etorriko dela dio El Diario Vascok. Aitzitik, Berriak gaur argitaratu duenez, Mondragonek ez du “inolako asmorik” halakorik onartzeko, hori adierazi zien atzo FEEren administratzaileak Grumaleko ordezkari sindikalei.
Iturri berberek Berriari esan diotenez, 250 lagunentzako kaleratze espedientea ari da prestatzen administratzailea, eta Edesa eta Grumal aldi berean likidatuko lituzkete.
Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.
Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio... [+]
Gipuzkoako Lurralde Auzitegiak Mondragon absolbitu du Bergarako epaitegiak 2018ko uztailean emandako epaia berretsiz eta preskripzioan oinarrituz erabakia. Ordainduk eta Eskuratuk salatutako engainurik ez zela egon ebatzi du. Mondragon epaiarekin "pozik" azaldu da;... [+]
Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.
Ordaindu eta Eskuratu elkarteen eta Mondragon Korporazioaren arteko epaiketako ahozko bistaren azken eguna izan da gaurkoa. Bi aldeetako abokatuek ondorioak aurkeztu dituzte epailearen aurrean, eta lau egunak nola joan diren ikusita, esan daiteke demandatzaileen aldeko ebazpen... [+]
Fagor Etxetresnetako eta Edesako hainbat bazkide ohik, Ordaindu eta Eskuratu plataformetan baturik, Mondragonen kontra ipinitako demandaren epaiketa hasi da gaur, maiatzak 7, Bergaran. EAEko orain arteko demandarik handiena da. 954 bazkide ohik 47 milioi euro erreklamatzen... [+]
Astearte goizean aurkeztu du Edesa Industrialek hartzekodunen arteko hitzarmenerako aurre proposamena epaitegian. Likidazioa saihesteko eta industria jarduerarekin jarraitzeko duten asmoen barruan dagoela adierazi dute bidalitako oharrean. Edesa Industrialeko langileek "ez... [+]
CNA Group-eko filiala den Edesa Industrialek gaur goizean aurkeztu du hartzekodunen lehiaketa Donostiako merkataritza auzitegian. Dituen zorrak 100 milioi eurotik gorakoak dira.
Berrikuntza sozialean lanean ari diren hainbat ekimen ezagutzeko aukera izango da urriaren 25eko jardunaldietan. ARGIAk zuzeneko emisioa eskainiko du.
Edesa Industrialeko langileen etorkizuna Luxenburgon finkaturik dagoen talde horren eskuetan dago. Baina ELA eta LAB sindikatuek salatu dutenez, apenas daukagu daturik konglomeratu horren inguruan.
Iragarritako moduan, CNA taldearen Edesa Industrialeko zuzendaritzak gaur aurkeztu du enplegua suntsitzeko EREa, langile guztiendakoa. Ostiralean jakinarazi zen bezala, zuzendaritza Edesa Industrial eta Geyser-Gastech enpresetako ordezkariekin batu da; bilera horretan enpresako... [+]
Ez dute CNAk egindako proposamena onartu, euren ustez “xantaia” egiten ari delako eta konpainia katalanak “txeke zuri bat” besterik ez duelako nahi.
Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.
12:00etan dute hitzordua bihar, eguena, Fagor CNAko langileen ordezkariek CNA Taldeko zuzendaritzakoekin, negoziazioari ekiteko. “Enpresa bat ez da konpontzen murrizketekin”; hori abiapuntu, 350 lanpostuak eta enpresaren bideragarritasuna defendatzera bertaratuko... [+]
Konpainiak katalanak aurkeztu du Edesa Industrialentzako bideragarritasun plana: produkzioa doitu, Garagartzako planta itxi eta langileen erdia kalera.