Amiantoak langile bati eragindako kalte handia berretsi du epaitegiak eta ez du onartu Fagor Ederlanen helegitea

  • Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio “helegite judizialen politika inhumanoa uzteko, eragindako kalteagatik barkamena eskatzeko eta konpentsazio funtsa babesteko”.


2020ko uztailaren 14an - 15:38

Ebazpena argia dela dio biktimen elkarteak: 1967-2007 artean Juan H. P. langileak amiantoarekin egin zuen lan Victorio Luzuriaga S.A. enpresaren fabriketan, eta laneko gaixotasuna eragin dio horrek. Elkarteak Fagor Ederlani leporatu dio epaiketan “lotsagabeki gezurra” esan izana, langilea ez zela amiantoarekin aritu adierazi baitzuen.

“Fagor Ederlani eskatzen diogu gezurrak eta helegite judizial inhumanoak alde batera uzi ditzala. Bada garaia segurtasun eta higiene neurriak bete ez dituzten enpresek langileengan sortu dituzten osasun kalteengatik barkamena eskatu dezaten, prebentzio neurriak indartu ditzaten eta biktimak indemnizatzeko Konpentsazio Funtsean inplikatu daitezen”, adierazi du biktimen elkarteak.


Kanal honetatik interesatuko zaizu: Amiantoa
Tubos Reunidos enpresako sindikatuek salatu dute amiantoa agertu dela labe batean eta zenbait egunez lana ez zela gelditu

Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.


2024-01-10 | Reyes Ilintxeta
Jose Mari Esparza. Ideia trafikatzailea
"Borrokaren beharra transmititu nahi dut, zerbait berria sortuko da, beti sortu da"

Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]


"CAFeko zuzendaritzak produkzioa jarri zuen langilearen osasunaren gainetik"

Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]


CAF lantegiko hiru nabetan lana eten egin dute amianto kutsaduragatik

Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.


Eguneraketa berriak daude