EAEko Ekonomia eta Gizarte Arazoetako Batzordeak (EGAB) publikatu duen txostenaren arabera, Euskal Autonomia Erkidegoko populazioaren %5,9 pobrezian bizi da, 2008. urtean baino %1,7 gehiago.
Datu hauek are lazgarriagoak dira gazte eta immigranteengan: 34 urtez azpiko gazteen kasuan %13,7k pairatzen du pobrezia. Atzerritarren egoera askoz okerragoa da, EGABen arabera, %50ak jasaten baitu eskasia.
Langabezi tasa ere aztertzen du EGABen dokumentuak: EAEko biztanleen %15ek ez dauka lanik. Halaber, epe luzeko langabezia hazi egin da. 2013. urtean langabeen %57,4 ziren eta joan den urtean berriz %65. 2008. urtetik, 30 urtez azpiko gazteen langabezi-tasa bost bidez handitu da. Europar Batasunarekin alderatuaz oso datu txarrak dira batzordearen arabera.
Prekarietatea hazten
Nahiz eta txostenak enplegua berreskuratzen ari dela dioen –joan den urtean ekonomia %1,2 hazi zen– , lanen behin-behinekotasuna eta partzialtasuna nabarmentzen du: 2014an, EAEko lan kontratuen %5a mugagabeak ziren, aurreko urteko baino %1,6 gutxiago. Honez gain, iaz kontratazioaren %39 denbora partzialekoa izan zen.
Txostenak azaltzen duenez, hamabost urteko enplegu goraldiaren ostean, 2009 eta 2013. urteen artean ia 100.000 lanpostu galdu ziren, EAEko lanen %10. 2014an “inflexio puntu positiboa” egon zen. Hala ere, lanaldi partzialeko kontratuak bikoiztu egin dira krisi hasierako datuekin alderatuz gero. Langile bakoitzak batez beste kontratu bakoitzeko 32 eguneko lanaldiak ditu.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]