“Jaurlaritzarena zehaztasunik eta daturik gabeko txosten politikoa da”
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta ELAk ere erabakia deitoratu dute.
Mikel Torres Eusko Jaurlaritzako lehendakariordeak astearte honetan jakinarazi du pentsio txikiak osatzeko herri ekinaldi legegilea eztabaidatzeari (HEL) ezezkoa eman diotela, babes hori dagoeneko "sisteman txertaturik" dagoelako. Hori jakin eta berehala Euskal Herriko Pentsiodunen Mugimenduak iritzia kaleratu du eta gogor hitz egin du Jaurlaritzaren "karpetazoa" salatzeko.
"Bi aldiz engainatuta" sentitzen direla adierazi dute pentsiodunek. Euren esanetan, Jaurlaritzak ziurtatu zien HELren inguruko txostena juridikoa izango zela, baina "zehaztasun eta daturik gabeko txosten politikoa da", diote. Bestetik, parte-hartze politikorako bide antzu baten aurrean aurkitu direla azaldu dute, "era guztietako ahaleginak eta prozedura nekeza eta garestia" eskatu diena, 145.000 sinadura lortzeko.
"Eusko Jaurlaritzak agerian utzi du demokrazia eta justizia soziala indartzeari buruzko diskurtsoak propaganda hutsa baino ez direla", dio mugimenduak kaleratutako oharrean.
Parte-hartze politikorako bide antzu baten aurrean aurkitu direla azaldu dute, "era guztietako ahaleginak eta prozedura nekeza eta garestia" eskatu diena, 145.000 sinadura lortzeko
Torresen argudioak desmuntatzen
Pentsiodunek banan-banan desmuntatu dituzte Torresek emandako arrazoiak ekimenaren eztabaidari uko egiteko. Azaldu dute Diru Sarrerak Bermatzeko Errentak (DSBE) ez duela bermatzen lanbide arteko gutxieneko soldataren adinako pentsioa jasotzea, "berme hori 2019an baliogabetu zelako gastu sozialak murrizteko politiken barruan". Euren ustez, DSBE diseinaturik dago "adin aktiboan" dauden pertsonentzat, eta "porrot egin du pentsiodunei dagokienez".
Pentsioak DSBE bidez osatzeko bizikidetza-unitatea kontuan hartu behar izatea ere kritikatu dute: "Pentsiodun bakoitzak bizikidetza-harremanak alde batera utzita errenta nahikoa izateko eskubidea aldarrikatzen dugu". Oraingo sistemarekin, pentsio txikienak jasotzen dituzten emakumeak euren bikotekideen "menpe" egon behar dutela ziurtatu dute, eta gogorarazi dute herri ekinaldiak "emakumeekin izandako bidegabekeria historiko bati" erantzuten diola.
Euskal Herriko Pentsiodunen Mugimenduaren ustez, DSBE diseinaturik dago "adin aktiboan" dauden pertsonentzat, eta "porrot egin du pentsiodunei dagokienez"
Eskumenari dagokionez, Jaurlaritzari "utzikeria" egotzi diote. Autonomia Estatutuak aurreikusten du pentsioen eskumenak EAEko erakundeena izan behar lukeela eta, hori kontuan hartuta, pentsioak osatzeko "euskal sistema" bat sortzea eskatu diote Pradalesen gobernuari, Eusko Legebiltzarreko Mahaiak eta zerbitzu juridikoek egingarritzat jo dutelako.
Pentsiodunentzat dirurik ez, enpresentzat "ehunka milioi"
HELren bideragarritasuna defendatzeko konparazio bat egin du Euskal Herriko Pentsiodunen Mugimenduak: "Onartezina da pentsiodun prekarioenentzat baliabide ekonomikorik ez dagoela esatea, enpresa handientzat itzuli beharrik gabeko ehunka milioi euro banatzen diren bitartean".
Pentsiodunak hilaren 8an hasiko dira berriz elkarretaratzen, astelehenarekin, eta jakinarazi dute mobilizazio gehiago antolatzen ari direla.
"Onartezina da pentsiodun prekarioenentzat baliabide ekonomikorik ez dagoela esatea, enpresa handientzat itzuli beharrik gabeko ehunka milioi euro banatzen diren bitartean"
EH Bildu: "Akats larria da"
Erreakzioak berehalakoak izan dira oposizioko alderdi eta sindikatuen partetik ere. EH Bilduk esan du Jaurlaritza herri ekinaldi legegilearen kontra azaldu izana "akats larria" dela, eta egotzi dio milaka sinadura "kolpe batez" baztertzea gobernu kontseilu batean. Koalizio abertzaleak dio lanean jarraituko duela pentsiodunen ahotsa "legebiltzarrean entzun dadin".
ELA sindikatuak, bere aldetik, gogorarazi du Jaurlaritzaren txostena ez dela loteslea, baina HELren tramitazioa "oztopatu" nahi izatea leporatu dio gobernuari. Era berean, ziurtatu du ekimena ekonomikoki bideragarria egiteko aukera badagoela: zerga bilketa handitzeko "erreforma progresibo" baten bidez.
Eskolatuak ez diren 3500 gazte pasatzen dira urte guztiez Ipar Euskal Herriko Misio Lokaleko 34 permanentzietatik. 16 eta 25 urte arteko gazteak berjendarteratzen laguntzen ditu Misio Lokalak orientazio, formakuntza eta laneratze sailetan. Krisia egoerari buru egin behar dio... [+]
Bost greba egun deitu dituzte apirilerako, "lanez gainezka" daudela eta giza baliabide eta material "oso murritzak" dituztela argudiatuta. ELA sindikatuaren esanetan, udalak "ez du mugimendurik egin nahi".
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Abuztu hasierarekin batera, bero, idorte eta su arriskuak altuak dira mendiguneetan. Arriskuen murrizteko nahian, 2021tik, Lapurdi eta Nafarroako mendigunea osatzen duten hiriek zonbait protokolo eta konbentziotan elkartu dira, mugaz gaindi. Horien artean, “Gure... [+]
Eusko Jaurlaritzako Enplegu sailak emandako datuek erakusten dutenez, Diru Sarrerak Bermatzeko Errenta (DSBE) gaizki jasotzen duten herritarren artean apenas dago iruzurrik, eta gehien gehienean administrazioaren tramitazio atzerapenek eragindakoak dira. Ordainketa horiek gero... [+]
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
ESK sindikatuaren Argilan plataformak, Berri Otxoak plataformak eta Euskal Herriko Etxebizitza Sindikatu Sozialistak helegitea jarriko diote DSBEaren araudi berriari, prestaziorako sarbidea mugatu eta "eskubide gehiago murriztuko" dituelako euren esanetan.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
Diru Sarrerak Bermatzeko Errenta kobratzen hasi aurretik ere, prestazioa eskatu duen jendearen etxeak arakatzen ari da Ertzaintza: “Prebentzioaren izenean, egunero-egunero ari dira etxeetan sartzen; astakeria da eta jendea beldur da, modu oldarkorrean ari direlako,... [+]
CCOO eta UGTrekin erdietsi du akordioa Espainiako Gobernuak: 2022an 1.000 eurotik izatetik, lanbide arteko gutxieneko soldata 1.080 eurora igoko da 2023an hamalau ordainsaritan.