Prentsa braillez: 'Publinews' aldizkariaren eredua zabaltzen ari da Latinoamerikan
110.000 lagunek sufritzen dute Guatemalan ikusmenarekin lotutako ezintasunen bat eta problema larriagoa da nekazalguneetan. Itsu gutxik daukate irratia edo telebista eskura. Horregatik, Publinews hilabetekariaren agerpena ez da nolanahiko albistea izan bertakoentzat. Doan da eta braillez dago idatzita. Uztailean atera zuten lehen zenbakia eta Amerika Erdialdeko braillez idatzitako lehenengo egunkaria da.
Guatemalako Itsuen eta Gorren Elkarteak (Prociegos) bultzatu du argitalpena eta 2.500 kopia banatzen dituzte. Lau enpresaren babesa du argitalpenak: Walmart, Telefonica, Cardioaspirina eta Cervecería Centro Americana S. A..
Duela bi urte Txilen argitaratu zen Latinoamerikako lehenengo braillezko hilabetekaria. Bigarren esperientzia da Guatemalakoa, eta harrera ona izan duenez El Salvadorren beste hainbeste egitea litekeena da.
Publinewsek 16 orrialde ditu eta nazioarteko, Guatemalako, teknologiari buruzko eta kirolari buruzko albisteak jorratzen ditu. Erronka argitalpena gehiago hedatzea eta maizago argitaratzea da.
Informazio gehiago:
Anna-Claire Bevan-en blogean gaztelaniaz.
New Internationalist aldizkariaren webgunean ingelesez.
Augusto Pinochet diktadoreak Txilen estatu-kolpea eman zuela mende erdia bete denean, hamaika berba entzun dira herrialdeak bizi duen zatiketaz. Hamazazpi urtetako diktaduraren errepresioa ukatzea da zenbait eskuindarren egungo arma, negazionismo gisa ulertu den diskurtsoarekin... [+]
"Egun on" baino gehiago "larrialdi" hitza erabiltzen dugun honetan, Mari Paz Aedoren hitzek lagunduko dizute ikasturte honetako zure utopien lanketei gogotsu eta pozetik ekiten. Txilen, Santiagon jaio zen duela 45 urte. Gatazka sozioekologikoak aztertzen ditu... [+]
1973ko estatu kolpea gertatu baino lehen Nixon garaiko AEBtako presidenteak jasotako dokumentuak argitaratu ditu Washingtonek ostiralean, Alexandria Ocasio-Cortez AEBtako Ordezkarien Etxeko kideak Txileri egindako bisita ondoren. Ocasio-Cortezek gardentasuna eskatu du,... [+]