Ernaiko zazpi kideren eta Iraitz Salegi kazetariaren aurkako epaiketa bertan behera

  • Ekainaren 11n itzuli beharko dute Espainiako Auzitegi Nazionalera Ernaiko zazpi kide eta Topatu-ko kazetari Iraitz Salegik. Ostegunean hasi epaiketa Madrilen, baina hau eten egin dute gazteek, harresia irudikatuz eta aurreko operazioan atxilotutako zazpi gazteen aurpegiekin kamisetak erakutsiz. Bertan behera geratu da.

Axier Lopez @axierL
2015eko maiatzaren 28a

Guztiei "terrorismoa goratzea" leporatuta, fiskaltzak eta AVTren akusazio partikularrak 18 eta 24 hilabete arteko espetxe zigorra eskatu dute bakoitzarentzat.

Publikoan zeuden senide eta lagunak ere "euskal gazteria aurrera!" oihuka hasi dira eta aretoa hustu dute. Publikoan zegoen pertsona batek grabatutako bideoa:

Kasuaren testuingurua

Ernai gazte antolakundeko kideak ondorengoak dira: Maialen Etxeberria, Irati Sienra, Garazi Mugertza, Mikel Moreno, Aitor Anda, Gotzon Elizburu eta Mikel Button.

2013an Gazte Danbadaren ekitaldiaren egunean Xabier Lopez Peña preso politikoa espetxean hil izana salatu zuten. Hala azaldu du Ernaik epaiketaren data ezarri ondoren ateratako oharrean: “Frantziak eta Espainiak presoei ezarritako salbuespenezko neurriak salatu genituen bertan (Danbadan) bildu ginen gazte guztiok”.

Fiskaltzak eta AVT terrorismoaren biktimen elkarteak, terrorismoari gorazarre egitea leporatuta, bi urteko kartzela zigorra eskatu dute Ernaiko sei kiderentzat. Era berean, Ernaiko zazpigarren kidearentzat, Salegi eta Solabarriarentzat urte eta erdiko espetxe zigorra eskatu dute.

Epaiketa gazteriaren aurkako “eraso gogorra” dela azpimarratu du Ernaik: "Haien interesen aurka doazen ahotsak isilaraztea du helburu". “Behin eta berriz kolpatu arren, konponbidearen bidean urratsak ematen jarraituko dugu. Epaitegietan eseri nahi gaituzte, baina ez gaituzte kaleetatik botako”, gaineratu dute.

Aste honetarko mobilizazioak deitu dituzte Euskal Herriko hainbat herritan:

Asteazkenean Soraluzen 19:00etan elkarretaratzea plaza zaharrean

Ostegunean Barakaldon 20:00etan manifestazioa Bide Onera plazatik abiatuta eta Gasteizen 19:30ean elkarretaratzea Andra Mari Zuriaren plazan.

Kazetaritza ez da delitua

Euskal Herriko 468 kazetari,  kazetaritza irakasle eta argazkilari (93 hedabidetakoak) batu ziren "Kazetaritza ez da delitua" izeneko manifestura. Iraitz Salegiri babesa adierazteko eta uztailean indarrean sartuko den Mozal Legearen aurka egiteko sortu zen dinamika.

Barakaldoko Libre mugimenduak astearte goizean egindako prentsaurrekoa

Gaur Prentsa aurrekoa Barakaldon egin dugu, Periko eta besteen epaitegi politikoak salatzeko eta osteguneko manifestazioaren deialdia egiteko. Barakaldoko gizarte mugimenduak, sindikatuak zein talde politiko ezberdinak babesarekin batera.

Libre eskubide politiko eta sozialen defentsarako dinamika lokala da, urteetan zehar aitzakia ziztrin pean euskal herritarrok pairatu ditugun eskubide zibilen urraketekin behin betiko bukatzea helburu duena. Barakaldon, libre dinamika herriko zenbait auzokideren egoerak behartuta jarri behar izan dugu martxan. Kasu ugari dira, oso ezberdinak, bai eduki eta bai egoera juridiko aldetik, horregatik "Barakaldon LIBRE" lelopean barnebiltzen ditugu denak.

Gaur udaletxe aurrean gaude, denboran gertuen dugun epaiketa Periko Solabarriarena delako, eta bera, garai batez, Barakaldoko alkateordea izan zenez, eraikin hau bere bizitzako lubaki askotako bat delako.

Periko aste honetako ostegun eta ostiralean epaituko dute entzutegi nazionalean. Terrorismoa goratzea leporatzen diote, Ernai gazte antolakundearen ekitaldi batean hitzegiteagatik. Antolakunde hontako beste gazte batzuekin batera urtebete eta sei hilabeteko kartzela zigor eskaerari egin beharko dio aurre. Kasu hau, larria eta esanguratsua bada ere, ez bakarra,

Askapena antolakunde internazionalistaren ilegalizazio eskaeraren harira, antolakundeko militante den Unai Vazquezek sei urteko kartzela zigor eskaerari egin beharko dio aurre. Epaiketak oraindik ez dauka datarik, baina aurten izango dela aurreikusten da.

Perikoren eta Unairenak dira, behar bada, kasu kezkagarrienak, baina gehiago daude:

Bi gaztek ikasle greba batean parte hartzen ari zirela identifikatu zituzten, orain, urtebete eta hiru hilabeteko kartzela zigor eskaerari egin beharko diote aurre, desordenak egotzita.

Bestalde, badago gazte bat urtebete eta sei hilabeteko kartzela zigor eskaria duena, Gurutzetako ospitalean emakumeek aborto eskubidearen alde burututako itxialdia babesten ari zela atxilotua.

Prozesu hoietaz gain badaude zenbait salaketa oraindik epaiketa izatera heldu ez direnak.

Alde batetik, Carlos Urquijo gobernu ordezkariak salatu zituen bost gazte, Espainiari irain egin eta segurtasun indarrak iraindu eta mehatxatzea egozten dietenak, ustez ekitaldi publiko batean parte hartzeagatik. Delituok ez dakarte kartzela zigorrik eta kasua instrukzio fasean dago egun.

Bestetik, pasaden asteko “Operación Araña” delakoan atxilotutako bi Barakaldarren kasua, sareetan beren iritzia adierazteagatik terrorismoa goratzea leporatzen dietenak.

Noiz arte jasan behar dugu egoera hau? Barakaldon Libre dinamikatik epaiketa politikoekiko gaitzespena adierazi nahi dugu, eta aldi berean auziperatu guztiei gure babesa helarazi. Horregatik, eskubide sozial eta politikoen alde zaudeten guztiei luzatzen dizuegu mobilizatzeko deia. Ostegunean, arratsaldeko zortzietan, Bide Onera plazatik epaiketa politikoen aurkako eta Periko Solabarriaren askatasunaren aldeko manifestazioa burutuko dugu.   Gure ideien eta eskubideen jabe garelako, epaiketa politiko gehiagorik ez.

Periko eta besteak Barakaldon LIBRE!

ATXIKIMENDUAK Gizarte Mugimenduak Argitan, Asamblea de Parados y Paradas de Barakaldo, Asociaciones de Vecinos y Vecinas de Artagabeitia-Zuazo, El Karmen “Biltzarrea”, Rontegi y Lutxana., Barakaldoko AEK-ko irakasleak, Barakaldoko Gazte Asanblada, Barakaldoko Hezkuntza Bilgunea, Berri Otxoak, Eguzki, Ekologistak Martxan, Ernai, Etxerat, Iretargi

Sindikatuak: CNT, CGT-LKN, ELA, ESK, LAB, STEE-EILAS

Talde politikoak: EH Bildu, Irabazi

Kanal hauetan artxibatua: Epaiketak  |  Ernai  |  Kazetaritza  |  Topatu

Epaiketak kanaletik interesatuko zaizu...
2017-11-28 | Axier Lopez
Agur eta ohore adierazpen askatasuna

Adierazpen askatasunaren mugei buruzko eztabaida gosea baino zaharragoa da. Ezin konta ahala iritzi daude, gaia filosofiaren mailaraino eramanez. Espainiako erregimenean, ordea, ez dago zalantzarako tarterik. PPren eskutik, arauz –Mozal Legeak– eta epaiz josten ari da autozentsura ideologikoa. Gurpil errepresiboaren azken itzuliak Andeka Jurado harrapatu du: Twitterren bertxiotzeagatik lehen zigortua da.


2017-11-22 | Guaixe .eus
Altsasuko auzia apirilean epaituko da

Zigor Kodeko terrorismo delituei buruzko 573 artikuluan oinarrituta auzipetu dituzte altsasuarrak. Haietako hiru espetxean daude eta epaiketa aurretik askatzen ez badituzte behin behineko 17 hilabeteko espetxealdia egina iritsiko dira


2017-11-19 | Axier Lopez
Errenteriako hiru gazteak libre utzi dituzte epaiketaren zain

Espainiako Auzitegi Nazionaleko Carmen Lamela epaileak baldintzapean libre utzi ditu martxoan atxilotu hiru gazte errenterriarrak. Espetxean izan dira orain arte Iruñeko manifestazio baten ostean sortutako istiluen harira.


2017-11-10 | Hala Bedi
Lau urteko kartzela zigorra parranda gau anekdotiko batengatik
MULTIMEDIA - elkarrizketa

Bi gasteiztar, Xabi Valdor eta Ander Martinez de Agirre, espetxeratze arriskuan daude 2016ko ekaineko jai kontestuko anekdota baten ondorioz. Zoritxarrez, larria da egoera eta ez da anekdota soil batean geratuko. Azaroaren 13an, astelehenean, epailearen aurretik pasatzera deituta daude.

Parranda egun normal bateko pasarte bat izan beharko lizatekeenak kinka larrian jarri ditzake orain bi gazteak: 4 urte eta 6 hilabeteko espetxe eskaera bakoitzarentzako. Hori gutxi balitz, 3.581€-ko... [+]


2017-11-07 | Axier Lopez
Errenteriako hiru gazteak libre utzi dituzte epaiketaren zain

Espainiako Auzitegi Nazionaleko Carmen Lamela epaileak baldintzapean libre utzi ditu martxoan atxilotu hiru gazte errenterriarrak. Espetxean izan dira orain arte Iruñeko manifestazio baten ostean sortutako istiluen harira.


2017-10-30 | Axier Lopez
Azaroaren 4an espetxeratzeko agindua jaso du Alfredo Remirezek

Azaroaren 4an kartzelaratzeko agindua jaso du Alfredo Remirez amurrioarrak. Urtebeteko kartzela zigorra bete beharko du dispertsio politika salatzeko ekintza bat egiteagatik. Ostiralean arratsaldeko 19:30ean Amurrion manifestazioa antolatu dute.


"Altsasuko istilua ezin dela terrorismotzat jo frogatuko dugu epaiketan"

Urtebete joan da Altsasun parranda giroan istiluak izan zirenetik. Oraindik ez dute epaiketa datarik baina, laster etorri daitekeela esan du Izkok, Altsasuko gazte batzuen defentsa abokatuak. Hamaika gazte daude auzi honetan epaiketaren zain eta hiruk espetxean segitzen dute.


2017-10-04 | Hala Bedi
Jaialdia egingo dute ostegunean bi gasteiztarren kontra eskatzen duten 9 urteko espetxe zigorrari aurre egiteko

Bederatzi urteko espetxe zigorra eta 8.581,65 euroko isuna eskatzen diete bi gazte gasteiztarri. Ostegunean, urriaren 5ean, jaialdia egingo dute Gasteizko Gaztetxean, eskaera horiei aurre egiteko. Hurrengo asteetan kasuaren informazio gehiago emango dutela jakinarazi dute Eleak/Libre dinamikatik.


2017-09-29 | Hala Bedi
"Presoen alde edo egia bakarraren aurka egiten dugunon kontrako herra berezia dute"

Alfredo Remirez amurrioarrari urtebeteko kartzela-zigorra ezarri diote 2005ean euskal preso baten kartoizko panpin bat ateratzeagatik. Sare sozialetan @erreharria izenez ezaguna, zigor horrek eragindako sentimenduez eta adierazpen askatasunaz hitz egin digu Alfredok Araba Hizpide magazinean.

 


2017-08-07 | Axier Lopez
Ehunka lagun bildu dira Gasteizko jaietan Altsasuko gazteei elkartasuna adierazteko

Igandean Gasteizko Andra Mari Zuriaren plaza bete zuten ehunka lagunek espetxean diren Altsasuko gazteen askatasuna eskatzeko. Gasteizko jaietan egindako mobilizazioak segida eman die Euskal Herriko hainbat herritako jaietan, Sanferminetan edo Hatortxu Rocken kasu, errepikatzen ari diren elkartasun ekimenei.


Azkenak
EGILEA
Eguneraketa berriak daude