Donostiako Udalak salaketa jarri zuen Guardetxearen aurka eta Donostiako Alde Zaharreko Gazte Asanbladak (AZGA) jakitera eman duenez epaiketa urriaren 7an izango da. Modu berean, AZGAK salatu du Udal Gobernuari biltzeko hainbat eskaera bidali dizkiola, baina erantzunik ez dutela jaso.

Alde Zaharrean bizi den "egoera larria" haratago doala azpimarratu du AZGAk, eta gogoratu du auzoko hamabost kultur eta kirol elkartek agerrladia egin zutela Donostiako Udalari eskatzeko hainbat ekipamendu auzotarren beharretara egokitzea.

Horren aurrean, "auzotarren antolakuntzaren eta autogestioaren bitartez herri mugimenduaren mesedetara jardungo duten herri-egitura eta proiektuak martxan jartzen" jarraituko dutela adierazi dute. Guardetxean antolatuko dituzten ekimenetan parte hartzera eta proposamenak eramatera deitu dituzte donostiar guztiak.