Piratetatik eta Karmenetatik ere kanporatu dute sexu erasoak egitea egotzitako Donostiako kidea
Emakumeen kontrako hainbat eraso egiteagatik aste honetan Sortuk kanporatu duen Donostiako militantea, Alde Zaharreko Jai Batzordetik eta Donostiako Piratetatik ere bota dutela adierazi dute eragileok. Bi jai guneotara sartzea debekatu diote. Eraso sexisten kontrako argazkia atera dute Donostiako Alde Zaharreko bizilagunek.
Donostiako Piratek ostegun arratsaldean egindako bilera zabalean erabakitakoa jakinarazteko oharra argitaratu dute: Lehenik eta behin pertsona horrek erasotuak izan diren emakume guztiei babesa adierazi diete. Barne prozesu bat abiarazteko konpromisoa hartu dute, "halako erasorik edo bestelakorik berriz gerta ez daitezen neurriak hartzeko".
"Erasotzailea Donostiako Piraten mugimendutik eta gune guztietatik kanporatua izango da berehala. Beraz, ez da onartua izango mugimenduko partaide gisa eta ezingo du inola ere Piratek antolatutako ekimenetan parte hartu, ez aktiboki ezta pasiboki ere. Gure espazioak gune askeak izatea nahi dugu, pertsona guztiek sentitu behar dute eroso bertan, hori lortzeko lan egiten dugu eta horregatik azpimarratu nahi dugu honleko jarrerak ez ditugula inola ere onartuko".
Donostiako Piratek mugimenduko kideen artean deitutako bilera irekian 90 lagunetik gora bildu ziren ostegun arratsaldean.
Karmengo jaietara sartzea debekatu diote Sortutik kanporatu duten militanteari
Karmengo jai batzordeak ere azaldu du jai batzordeko kidea zenez pertsona hau, batzordetik bota eta jai gunera sartzea debekatu diotela, Irutxuloko hitza-k jaso duenez.
Donostiako Kaiko Karmengo jaiei hasiera ematearekin batera eraso sexisten kontrako argazkia atera dute “Ez hemen, ez inon, erasotzailerik ez” eta “Erasorik ez, erantzunik gabe” leloa zuten pankartekin. Emakumeak festan “aske” izan nahi dutela adierazi dute eta autodefentsa feministarako deia egin dute.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.