Jai erlijiosoetatik bereizitako eskola-egutegi orekatuagoa ezarriko dute Asturiasen

  • Hiru garaik baldintzatzen dute eskola-egutegia Espainiako Estatuan, Hego Euskal Herrian barne: Gabonek, Aste Santuak eta udako oporrek. Horien arabera antolatzen dira ikasketak eta azterketak.

Mikel Garcia Idiakez @mikelgi
2015eko uztailaren 13a
Bost ikastaldi eta ikastaldi bakoitzaren amaieran astebeteko oporrak egitea adostu dute.

Europako ereduetara hurbilduz, ikastaldiak hiru izan beharrean bost izatea adostu dute Asturiasen, eta ikastaldi bakoitzaren amaieran gutxienez astebeteko oporrak egitea. Hala, azaroan, martxoan, maiatzean eta udan oporrak izango dituzte eta ikasturtearen hasiera eta amaiera data orain arte bezala mantenduko dira.

Nola lortu duten udako opor kopurua txikitu gabe eta oporraldi berriak gehituz ikastorduak mantentzea? Jai egunak aprobetxatuz eta egutegia jai erlijiosoen arabera antolatzeari uko eginez.

Ipar Euskal Herrian, gogoratu dezagun, lau oporraldi dituzte: urrian, Gabonetan, otsailean eta udan.

“Hiruhilekoaren amaierara leher eginda iristen dira ikasleak”

Asturiasko proposamena irakasleek egin dute: “Ikasleak eta euren behar pedagogikoak protagonista bihurtzen dituen egutegia da. Ez dugu nahi jai erlijiosoek egutegia hipotekatzerik”.

Asturiasko guraso elkarteek begi onez ikusi dute ekimena: “Gaur egungo ereduan, hiruhileko batzuen amaierara leher eginda iristen dira ikasle, irakasle eta familia ugari. Denboraren, erritmoen eta egutegiaren arrazionalizazio eraginkorra eskatzen dugu. Garai batzuetan azterketa pila bat kontzentratzen dira eta bat-batean 15 egunez jai hartzen dute ikasleek”.

Irakasle, zuzendari, guraso eta administrazioak aho batez adostu dute proposamena. Beraz, 2016-2017 ikasturtean martxan jartzea erabaki dute, Lehenengo eta Bigarren Mailako Hezkuntzan.

Ikasturtea berrantolatzeko erabakiak, bide batez, betiko gai konplexuak jarriko ditu mahai gainean: zaintza (kasu honetan haurrena) eta familia-kontziliazioa.

Kanal hauetan artxibatua: Hezkuntza  |  Eliza Katolikoa  |  Asturias

Hezkuntza kanaletik interesatuko zaizu...
2018-05-20 | Ainhoa Bretos
Ikasleak, laguntzaile onenak

Elkarbizitza abiapuntu eta helburu, Ikasle Laguntzaileak proiektua jarri du martxan Santurtziko Bihotz Gaztea ikastolak, aurtengo Ibilaldiaren antolatzaileak. Jolastokian bakarrik egoten den ikasleari, garai txarra pasatzen ari denari edo bestelako arazoren bat duenari laguntzen diotenak dira ikasle laguntzaileak.


2018-05-20 | Eneko Gorri
Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren jazarpenari erantzuteko. Lapurdi, Baxenabarre eta Zuberoko 36 ikastolak alerta gorrian dira. Aldi honetan irakasle postuak dira jokoan. 230 ikasle gehiago izanen dira ikastoletan datorren ikasturtean. 25 irakasle postu berri... [+]


2018-05-17 | ARGIA
Euskal siderurgiaren erroak aurkitu dituzte: 300 haizeola Araba, Gipuzkoa eta Bizkaian

  Ikerlari talde batek antzina burdina egiteko erabiltzen ziren sistema prehidraulikoak inbentariatu eta aztertu ditu.


Sexu eta genero aniztasuna eskolan lantzeko unitate didaktikoa

Iraultzeko prest! unitate didaktikoa argitaratu berri dute, sexu eta genero aniztasuna ikasgelan lantzeko. Haur Hezkuntzatik Batxilergoraino, maila bakoitzera egokitutako materiala eta ekintzak proposatzen dira. “Jaio aurretik heterosexualak izango garela aurreikusten duen araua zalantzan jartzea” du helburu unitateak, “neska eta mutiletan, femeninoan eta maskulinoan banatzen gaituen eta rol jakinak esleitzen dizkigun heteroarauak guztiongan nola eragiten duen... [+]


Itunpeko ikastetxe pribatuetako langileak greban, hitzarmena berritzea helburu

EAEko Gizarte ekimeneko itunpeko ikastetxeetako langileek (tartean Kristau Eskolakoek eta IZEA Irakaskuntza Zentroen Elkarte Autonomokoek) greba egin dute astearte eta asteazken honetan. Hiru urteko negoziazio eskaeren ostean, 10.000 langileri eragiten dien hitzarmena berritzeko patronalak jarrera “inmobilista” izaten jarraitzen duela salatu dute sindikatuek.


EAEko hezkuntza publikoak badu aurre-akordioa

EAEko irakaskuntza publikoko baldintzak hobetzea helburu izan duten urtebeteko mobilizazioen ostean, LAB, STEILAS, CCOO eta UGTk aurre-akordioa sinatu dute Eusko Jaurlaritzarekin. ELA sindikatuak ez du bat egin aurre-akordioarekin eta mobilizazioekin jarraitzeko asmoa agertu du.


2018-05-14 | Miren Osa Galdona
Seaskaren aldeko hotsak nagusi izan dira aurtengo Herri Urratsen

Milaka euskaltzale bildu dira, beste behin, Senperen. Prefosta lelopean, Larzabalgo Manex Erdozaintzi ikastolentzat izango dira aurtengo irabaziak. Seaskak Frantziaren Gobernuari eskatzen dizkion irakasle kopuruaren gatazka eguneko protagonista bilakatu da.  


Arbitrorik gabeko saskibaloi liga horizontala eta autogestionatua

Horizontala, autogestionatua (arbitrorik gabea), doakoa eta mistoa, horrelakoa da Alacanteko Saskibaloi Liga Kooperatiba. Kirol-kluben filosofiatik at eta ohiko ligek suposatzen duten dirutzatik ihesean, 2017 bukaeran jaio zen eta dagoeneko 80 jokalari dira, zortzi taldetan banatuta. Auzoak bizi mantentzen dituztela eta kirola beste modu batera ulertzen dutela diote.


Putzuak ikastetxe barruan
Laborategi naturala ikasleentzat, premiazko bizigunea apoarentzat

“Euskal Herrian oso gutxi izango dira ikastetxe barruan hezegunea egitea erabaki dutenak”, diote Irungo Plaiaundi Institutuko irakasleek. Hezegune bat ez, hiru egin dituzte bertan, ikasleek eurek: hiru putzu, hiru habitat; ikasgelako teoriatik praktikara salto egiteko laborategi naturala lortu dute batetik, eta inguru horretan bizi den eta mehatxupean dagoen apo lasterkariarentzako erreserba ezin hobea sortu dute bestetik.


Azkenak
EGILEA
Eguneraketa berriak daude