EAEko Ahal Dugu, barne antolaketa zehazteko primarioetan murgilduta
Primarioak abiatuko ditu EAEko Podemosek bere zerrendaburuak aukeratzeko eta urtarrilaren 2an jakingo dira emaitzak.
Espainiako Estatuan taldea finkatu ostean, Podemos-Ahal Dugu probintzietan eta autonomia erkidegoetan osatzen hasiko da.
130 pertsona aurkeztu dira idazkari nagusi izateko edo herritarren kontseilua osatzeko Araba, Bizkaia eta Gipuzkoako hiriburuetan (idazkari nagusi izateko hautagaiek antolakuntzari eta ildo politikoari buruzko dokumentu bat aurkeztu dute, herri eta hiri bakoitzerako proposatzen duten antolamendu-eredua zehaztuz).
Ia 10.000 lagun, alderdiaren arabera
Alderdiak eskainitako datuen arabera, EAEn 9.978 pertsonak eman dute izena dagoeneko, eta 30 herritan izango ditu egiturak, 19 Bizkaian, 8 Gipuzkoan eta 3 Araban.
El Diario-k jaso duenez, herri eta hirietako prozesuaren ondoren, prozesu autonomikoari ekingo dio EAEko Podemos-Ahal Duguk idazkari nagusia hautatzeko. Erkidegoko hiru hiriburuetan zenbait hautagai aurkeztu dira jada.
Udal eta Foru hauteskundeetan zer?
Bestalde, datozen udal hauteskundeetan ez da Podemos-Ahal Duguren zerrendarik izango, izen horrekin behintzat, El Diarion irakurtzen denez; baina aurkezteko beste moduak aztertzen ari dira. Foru hauteskundeetan aurkez daitezke, baina ez dute erabaki oraindik.
Ahal Dugu izan da gaurko galtzaileetako: ez du ordezkaritza politikorik lortu. Inkestek iragartzen zioten aukera hori, baina baita eserleku bat edo bi lortzeko aukera ere. Azkenean ez du lortu eta alderdi moreak kolpe gogorra jaso du.
Lander Martínez Sumarreko bozeramaileak egintzat eman du banaketa eta Alba García alderdi horretako lehendakarigaiak ere ez du gaur gaurkoz posible ikusten koaliziorik.
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Euskadiko Podemosen koordinatzaile nagusi Pilar Garrido, Sumarren Gipuzkoako zerrendaburua izan zena Espainiako hauteskundeetan, koaliziotik kanpo aurkeztearen alde mintzatu da Eusko Legebiltzarreko datozen bozketei begira. “Euskadiko jendea mobilizatzeko balio du... [+]
11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]