450.000 heriotza goiztiar eragiten ditu aireko kutsadurak urtero Europar Batasunean

  • Azken hamarkadetan hobekuntzak izan arren, Europa urrun dago oraindik gizakiei eta ingurumenari arrisku onartezina ekarriko ez dien aire kalitatea erdiesteko.  


2014ko azaroaren 20an - 00:00
Azken eguneraketa: 2015-02-26 13:37:33
EBko araudiak ezarritako hainbat kutsatzaileren gehienezko kopurua askoz handiagoa da OMEk gomendatutakoa baino (Argazkia: AP).

Esaldi gogor horrekin hasten da azaroaren 19an kaleratutako Europako aire kalitateari buruzko 2014ko txostena, ez talde ekologista temati batek argitaratua, Europako Ingurumen Agentziak (EIA) baizik. Adierazi dutenez, aire kutsatuak 450.000 heriotza goiztiar eragiten ditu urtero EBn.

EIAren txostenak bat egiten du talde ekologista batzuek –temati– azken urteetan maiz esan duten zerbaitekin: EBk ezarri dituen zenbait kutsatzaileren mugek ez dute segurtatzen herritarren osasunaren babesa.

Izan ere, europar araudiak hainbat substantziaren kasuan onargarritzat jotzen dituen gehienezko kopuruak askoz handiagoak dira Osasunaren Mundu Erakundeak (OME) gomendatutakoak baino.

Batzuek eta bestek jarritako langaren arteko aldea nabarmena da, esaterako, PM 2,5 izeneko partikula txikiei dagokionez.

Hain zuzen, EIAren txostenak dio partikula horiek direla europar airean dauden  kutsatzaile guztietan arriskutsuenetakoak. Gainera, azken urteetako ikerketen arabera, eragiten duten kaltea uste zena baino handiagoa da.

Besteak beste, PM 2,5 partikulan luzaroan arnasteak harreman zuzena du bihotzeko eta arnas aparatuko gaitzek eragindako heriotza goiztiarrekin.

Hala ere, EBren araudiak onartzen duen partikula horien proportzioa 2,5 aldiz handiagoa da OMEk gomendatzen duena baino.

Eta antzera gertatzen da beste zenbait kutsatzaileren kasuan. Ondorioa da Europako hirietan bizi direnen %98k kutsatutako airea arnasten duela, legearen barruko airea izanagatik. %30, berriz, gutxienez substantzia baterako legeak ezarritako muga ere gainditu den lekuetan bizi da.   


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Airearen kalitatea
Ibilgailuen isurien mugak malgutu dituzte Europar Batasunean, automobilgintza industriari laguntzeko

Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.


Ortuellan hondakin arriskutsu eta kutsatzaileen instalazioa salatu du 'Ortuellan Sader Ez' plataformak

Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]


2021-10-07 | Jakoba Errekondo
Marrubien ontasuna, bizitzak bizitza dakar

Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]


2021-09-22 | ARGIA
OMEk jaitsi egin ditu orain arte segurutzat jotako kutsadura mailak

Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.


Erandioko airea, Madrilekoa edo Bartzelonakoa baino kutsatuagoa

Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]


Eguneraketa berriak daude