Eusko Jaurlaritzak Bilboko Zorrotzako Profersa enpresa kautelaz ixtea erabaki du

  • Astelehenean egindako inspekzioaren ostean hartu da erabakia, azken asteetan izan diren istripuen harira.

Sader eta Profersa enpresen aurkako protesta Bilbon. (Argazkia: Ecuador Etxea)
Artikulu hau CC BY-SA 3.0 lizentziari esker ekarri dugu.

2024ko maiatzaren 16an - 13:38

Larunbatean izan zuen Profersa ongarri enpresak istripua bigarrenez, apirilaren 26an jada auzokideak kezkatu zituen ke-lainoak Zorrotza estali zuenetik. Bilboko Auzo Federakundeak urteak daramatza Zorrotzako Profersa eta Sader enpresen lantokien lekualdatzea eskatzen, sortzen dituzten hondakinek eta ekoizpen prozesuetan isurtzen dituzten gasek auzoko airearen kalitatea larriki kaltetzen dutelako. Bi lantokiak hirigunean bertan daude, auzokideen bizitokietatik metro eskasetara, hala, pasa den martxoan, Bilboko Udalaren osoko bilkuran aurkeztu zuten enpresak lekualdatzeko mozioa beste behin, sei urte lehenago, 2018an lehenengoz egin zen bezala. Ordainetan Eusko Jaurlaritzak airearen kalitatea neurtzeko bi gailuren “premiazko” instalazioa onartu zuen.

Bi enpresek aho batez onartu zuten haien jardunak dakartzan ingurumenarekiko eraginen neurketa, esanez maiz izaten dituztela aldez-aurretik ohartarazi gabeko inspekzioak, zeinetan betetze-neurri handiak izaten dituzten. Auzokideek ordea ez zuten begi onez ikusi erabakia, eta lantokien berehalako lekualdatzearen aldeko mobilizazioak hasi zituzten. Apirilaren 26ko lehen istripuaren ostean, berriz ikusi zitekeen larunbatean ke-laino trinkoa Zorrotzan, Jaurlaritzaren enpresa kautelaz ixteko erabakia eragin duena. Neurri horretaz gain, jada Bilboko Portua hasi da Agaleus enpresari, Sader eta Profersa barne hartzen dituena, 17.500 metro karratuko lurzoru bat egokitzeko izapideak martxan jartzen. Agaleusek Zierbenara leku aldaketa hau “epe luzerako” aukera dela azpimarratu du, beraz, oraindik prozesua hastapenetan soilik aurkitzen da.

Sader eta Profersaren lekualdatzea geroz eta gertuago dagoen errealitatea dela dirudi, naiz eta aurretiaz, Bilboko Udalak 2028a baino lehen gertatuko ez zela aurreikusi; azken bi asteetako istripuek, ordea, lantokiak eztabaida bizia sortu du eta badirudi prozesuak uste baino lehenago egingo duela aurrera.


Kanal honetatik interesatuko zaizu: Airearen kalitatea
Ibilgailuen isurien mugak malgutu dituzte Europar Batasunean, automobilgintza industriari laguntzeko

Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.


Ortuellan hondakin arriskutsu eta kutsatzaileen instalazioa salatu du ‘Ortuellan Sader Ez’ plataformak

Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]


2021-10-07 | Jakoba Errekondo
Marrubien ontasuna, bizitzak bizitza dakar

Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]


2021-09-22 | ARGIA
OMEk jaitsi egin ditu orain arte segurutzat jotako kutsadura mailak

Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.


Erandioko airea, Madrilekoa edo Bartzelonakoa baino kutsatuagoa

Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]


Eguneraketa berriak daude