OMEk jaitsi egin ditu orain arte segurutzat jotako kutsadura mailak
Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.
Gida berriak aireko kutsatzaile kaltegarrienen gehieneko kopuru gomendagarriak ezartzen ditu (airean diren partikulak edo partikula esekiak, ozonoa, nitrogeno dioxidoa, sufre dioxidoa eta karbono monoxidoa), eta ia kasu guztietan OMEk seguruagotzat jotzen diren mailak jaistea erabaki du.
Gizakiarentzat arriskutsuenak jotzen diren partikula esekiak 2,5 mikra baino diametro txikiagoa (PM 2.5) dutenak dira. Orain arte, egun batean aire metro kubiko bakoitzeko 25 mikrogramo baino gutxiago gomendatzen zituen OMEk. Orain, ordea, maila optimoa 15 mikrogramora jaisten da. Neurria hartzeko Pekineko kasua jar liteke: munduko hiri kutsatuenetakoa da eta han, adibidez, metro kubikoko 500 mikrogramotik gorako mailarekin esnatzen da sarri, eta egun oso txarretan 1.000 mikrogramotik gorakoa izan da.
Tamaina handixeagoko partikulei dagokienez, 10 mikrako (PM 10) diametroa dutenak, OMEk bere eguneko maila gomendagarria, aire metro kubikoko 50 mikrogramokoa zen orain arte, eta aurrerantzean 45 mikrogramo izango da. Bi mikropartikula motak, PM 2.5 eta PM 10, erregai fosilak erretzetik datoz eta osasunerako arriskutsutzat hartzen dira biriketan sar daitezkeelako, baina lehenengoak are kaltegarriagoak dira, tamaina txikia dutenez, odol-korrontera irits baitaitezke.
OMEren arabera, PM 2.5 partikulekin zerikusia duten heriotzen %90 saihestu egin daitezke gida berriarekin. Neurri hauek hasiera batean ez dira legez derrigorrezkoak, baina erakundearen arabera, oso gomendagarriak dira, bai osasuna babesteko bai klima-aldaketaren aurka borrokatzeko.
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]
Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]
Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]
Anerreka Ingurumen Elkarteak Jaurlaritzako Ingurumena sailari eskatu dio Donostiako erraustegiak orain arte airera isuri dituen gai kutsakorren kopuruari buruzko datuak eman diezazkiola eta orain arte ez du inolako erantzunik jaso. Erraustegiak Ingurumen Baimen Bateratua... [+]