Bi milioi pertsona baino gehiagok aire kutsatua arnasten du Hego Euskal Herrian

  • Ekologistak Martxan taldeak argitaratu duen txosten batek azaldu du EAEn eta Nafarroan lau herritarretik hiruk arnasten dutela aire kutsatua.


2019ko urriaren 23an - 16:39

2019ko lehen bederatzi hilabeteetan, ozono troposferiko bidez eragindako kutsadura mailen berri eman du Ekologistak Martxan taldeak. Euskal Autonomia Erkidegoan 1.750.000 biztanle inguru daude kaltetuak, ia %80. Nafarroan, berriz, 300.000 biztanle inguru dira aire kutsatua arnasten dutenak, %46. Herritarren laurdena da soilik, OMEk ezarri zituen kutsadura mailetan, neurri egokien barruan bizi direnak.

Plataformak gogoratu du bi hamarkada direla atmosfera kutsaduraren aurkako lehen legea indarrean sartu zela, eta oraindik EAEk ez diola biztanleriari kutsadura maila altu horren berririk eman. Eragilearen arabera “telebistaz, irratiz, prentsa edo Internet bidez komunikatu beharko lituzke erregistratu diren kutsadura mailak”.

Horrez gain, ez Nafarroak, ez EAEk ez dute hartu neurririk Airearen Kalitate Hobekuntzaren Planerako. Lehenengoaren kasuan, errekurtso administratibo edo judiziala tramitatzen ari direla adierazi dute, agintarien pasibotasunarengatik. Biztanleria garraioen erabilera egokia egitera deitu du, motorra duten ibilgailuak ahalik eta gehien saihesten. 

Informazio gehiago:

Espainiako biztanleriaren %85ak arnastu du ozonoak kutsatutako airea (Ekologistak Martxan)


Kanal honetatik interesatuko zaizu: Airearen kalitatea
2024-05-16 | Uriola.eus
Eusko Jaurlaritzak Bilboko Zorrotzako Profersa enpresa kautelaz ixtea erabaki du

Astelehenean egindako inspekzioaren ostean hartu da erabakia, azken asteetan izan diren istripuen harira.


Ibilgailuen isurien mugak malgutu dituzte Europar Batasunean, automobilgintza industriari laguntzeko

Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.


Ortuellan hondakin arriskutsu eta kutsatzaileen instalazioa salatu du 'Ortuellan Sader Ez' plataformak

Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]


2021-10-07 | Jakoba Errekondo
Marrubien ontasuna, bizitzak bizitza dakar

Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]


2021-09-22 | ARGIA
OMEk jaitsi egin ditu orain arte segurutzat jotako kutsadura mailak

Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.


Eguneraketa berriak daude