Erandioko airea, Madrilekoa edo Bartzelonakoa baino kutsatuagoa
Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza horiekaz arazoa beraiek pentsatutakoa baino askoz ere larriagoa baita.
Erandioko airearen kalitategatik kezkatuta, Auzokoa Herrikoi Elkarteak eta Herri Bideak Kate Barik elkarteek elkarlan-proiektua hasi zuten kutsaduraren arazoagaz bukatzeko. Hasteko, lehenik datuak behar zituzten beraien aldarrikapenak argudiatzeko. Hala, Aire Zaintzaileak proiektuan parte hartzea erabaki zuten, eta, beste jarduera batzuen artean, Erandioko 294 bizilaguni esker, mailuki-landareak banatu zituzten udalerri osoan, airearen kalitatea aztertzeko helburuagaz.
Ikerketa horretan, 2020ko urritik abendura, boluntarioek mailuki-landareak zaindu eta hostoak batu zituzten, gerora, horiek laborategi batean ikertu ahal izateko. Baina zergatik mailuki-hostoak? Ivercivis fundazioak martxan jarritako Aire Zaintzaileak ekimenean mailuki-landareak erabiltzen dituzte airean dauden metal astunak detektatu eta neurtzeko, horiek hostoetako ileetan itsasten baitira.
Ikerketa horretarako, mailuki-hostoetan metatutako kutsadura metalikoaren propietate magnetikoak (SIRM) erabili dituzte kutsadura atmosferikoaren adierazle gisa. Izan ere, mailuki-hostoen propietate magnetikoek tamaina txikiko materia-partikula finak eta ultrafinak (PM10, PM2,5 eta PM0,1) harrapatzen dituzte, aireko partikulen kontzentrazio islatuz.
Modu sinple baina erabilgarri horren bitartez, Espainiako Estatuko 28 hiritako aire-kutsadura neurtu ahal izan dute. Erandion, elkarte bi horien lanari esker, 294 landare banatu zituzten udalerri osotik, eta, horietatik, 232 jaso eta 215 baliagarriak izan dira azterlanerako. "Lan izugarria izan da guretzako, eta, azkenean, hosto guztiek ez zuten balio, asko ustelduta zeudelako edo txikiegiak zirelako, baina lortu genuen ikerketa egiteko lagina behitzat", kontatzen dute elkarte bidetako bozeramaileek.
Daborduko, ikerketaren emaitzak argitaratu dituzte, eta, horien arabera, Erandio lehen postuan geratu da, Bartzelonako bataz bestekoa bikoiztuz, eta Madrilgoa laukoiztuz. "Harrituta geratu gara, pentsatzen genuena baino askoz emaitza txarragoak dira", deitoratu dute. Altzaga eta Astrabudua auzoetan ere kutsadura maila altua ateratzea ez zuten espero; baina ez hori bakarrik, landa-eremuetan ere kutsadura-maila oso altuak atzeman dituzte, eta "hori ez da estatuko beste inon gertatu".
Azterketa sakona eta kontrolak
Emaitzoi esker Auzokoa Herrikoi Elkarteak eta Herri Bideak Kate Barik elkarteak beraien eskaerak arrazoitzeko oinarri finko bat dute, eta, besteak beste, Erandioko Udalari eskatu diote kutsadura atmosferikoaren azterketa sakona egin dezan, udalerriko hainbat puntutan neurgailuak eta kromatografoak jarriz.
Bestalde, emaitzok herriko osasun zentroari, alderdi politikoei, Eusko Jaurlaritzako sail ezberdinei eta Arartekoari ere helarazi dizkiete, bakoitzak bere lan-eremuan neurriak hartu ditzan; besteak beste, ikerketa sakonagoak egiteko eskaera egin diete agente ezberdinei, eta, bestetik, ingurumen-baimen integratuak betetzeko kontrol handiagoa eskatu diete.
Astelehenean egindako inspekzioaren ostean hartu da erabakia, azken asteetan izan diren istripuen harira.
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]
Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]
Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.
Anerreka Ingurumen Elkarteak Jaurlaritzako Ingurumena sailari eskatu dio Donostiako erraustegiak orain arte airera isuri dituen gai kutsakorren kopuruari buruzko datuak eman diezazkiola eta orain arte ez du inolako erantzunik jaso. Erraustegiak Ingurumen Baimen Bateratua... [+]
Gasoilezko motorren kutsaketak faltsutzen zituztela-eta, duela bost urte Dieselgate delakoak astindu baldin bazuen autogintzako industria, eskandalu berri bat egon daiteke lehertzeko zorian egunotan, Hybridgate deitu beharko genukeena: Transport & Environnement GKEak... [+]
Nafarroako lurralde osoan Osasunaren Mundu Erakundearen gomendioak gainditzen dituen kutsadura-maila erregistratu dela bildu du taldeak 2019ko aire kalitateari buruzko txostenean.
COVID-19aren pandemiaren ondorioz hartutako neurri zorrotzenen artean, herritarrak etxeetan konfinatzea erabaki dute munduko gobernu askok, eta horrek nabarmen eragin du ingurumenean: %17 jaitsi dira mundu osoko CO2 isurketak, eta urte amaierarako %4 eta %7 artean mantentzea... [+]
Koronabirusari aurre egiteko itxialdiek NO2 mailak izugarri jaitsi dituzte munduko hainbat tokitan; baina pandemiak badu txanponaren beste alde bat, eta AEBak dira horren erakusgarri: Trumpek bertan behera utzi ditu ingurumena babesteko neurri ugari, krisi ekonomikoaren lehen... [+]
Eguraldi lehor eta beroa medio airearen kutsadurak gora egin zuen otsailaren 3, besteak beste, Donostian eta Tolosan; «gure egunerokoak kutsakorrak direla» hausnartu beharraz hitz egin du Eguzkik Talde Ekologistak.
Ekologistak Martxan taldeak argitaratu duen txosten batek azaldu du EAEn eta Nafarroan lau herritarretik hiruk arnasten dutela aire kutsatua.
ToxicoWatch fundazioak eta Eusko Jaurlaritzak akreditatutako Euskal Herriko enpresa bat arduratuko dira Gipuzkoako erraustegiaren inguruetan kutsadura neurketak egiteaz. Astearte goizean prentsaren aurrean hartu dituzte Zubietako oilategi batean azpiegitura erretzailea piztu... [+]
Ekologistak Martxanek jakinarazi duenez, EAEko milioi eta erdi pertsonak aire kutsatua arnastu dute 2018an: biztanleriaren %70ak, lurraldearen %47an. Nafarroari dagokionez, lurraldearen bi heren ari dira kutsadura maila altua jasaten.
Duela bi aste Pasaiako Portuan agintari nagusiei errautsak bota zizkien laguna defendatu dute, errauts hori herritarrek egunero irensten duten zati “nimiño” bat dela esanaz. Larunbatean elkarretaratzea egin zuten Lezoko udaletxearen aurrean, eta sinadura... [+]