Munduko CO2 isurketek historiako beherakada handiena izan dute: %17
COVID-19aren pandemiaren ondorioz hartutako neurri zorrotzenen artean, herritarrak etxeetan konfinatzea erabaki dute munduko gobernu askok, eta horrek nabarmen eragin du ingurumenean: %17 jaitsi dira mundu osoko CO2 isurketak, eta urte amaierarako %4 eta %7 artean mantentzea aurreikusten dute. Datuak hartzen direnetik, historiako isurketa murrizketa handiena da.
Munduko biztanleria gelditu egin da, ekonomia-eredu kutsatzailea eta batetik bestera doazen garraioak bezalaxe. Horren eraginak naturan igarri dira: animaliak hirietan, landaredia belarra hazi ohi ez zen lekuetan, eta CO2 gutxiago airean.
Hain zuzen ere, atmosferara egindako isurketetan 2.000 milioi tona CO2 murriztea espero da aurten, iazko datuekin alderatuta, %5 inguruko jaitsiera, nazioarteko aditu talde batek Nature Climate Change aldizkarian argitaratu duenez. XVIII. mendetik, isurketak neurtzen direnetik, jasotako jaitsiera handiena da; aurretik, Bigarren Mundu Gerrak betetzen zuen leku hori, 845 milioi tona murriztu baitziren 1944 eta 1945 artean.
Pandemiaren punturik zorrotzenean, %27raino jausi dira Europako CO2 isuriak. Isurketen ia erdia (%43) garraioari lotuta dago, industriak eta ekoizpen elektrikoak osatzen dute gainontzeko %43. Aireko garraioak %10eko beherakada izan du.
Tentuz hartzeko albistea
Albiste ona da negutegi efektuari begira, CO2 gasa baita efektu hori sorrarazten duen isuri nagusia. Dena den, krisialdia bukatzean gasek berriz ere gora egin dezaketela ohartarazi dute adituek. 2008ko krisian, hain zuzen ere, horixe bera gertatu baitzen. Garai horretan %1,4 jaitsi ziren isurketak, baina hurrengo urtean %5,1 hazi ziren.
Nazio Batuen Erakundeko Ingurumen Programak adierazi du tenperaturaren igoera 2ºCtik behera mantentzeko urteroko isurketak %2,7 murriztu behar direla; eta %7,6, igoera hori 1,5ºCen azpitik mantentzekotan.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.