Maiatz fresko eta haizetsuak urtea oparoa egiten du”, dio esaerak. Aurten, nekazarien ikuspegitik, maiatz txatxu xamarra izan da. Freskoa eta haizetsua, baina baita euritsua ere. Ez da erraza izan lurra girotu eta azaroan jartzea. Belarrak ontzeko nahiko lan, baita ondu gabe silotan edo plastikozko bolatan jartzeko ere, traktore handiek belazetako lurra zulatu, hondatu eta lardaskatzeko arriskuagatik.