LABek jakinarazi duenez, lehen ezbeharra Maulen (Zuberoa) gertatu zen, 20 urteko nekazari bat traktore istripuan hil zenean. Bigarren istripu hilgarria Muxikan (Bizkaia) gertatu zen, kamioi garraiolari bat hil zen bertan. Sindikatuaren esanetan, nabarmena da garraioaren sektoreko hilkortasuna: 2025ean Euskal Herrian 56 lan istripu hilgarri izan dira momentuz, eta horietako hamabostetan garraiolariak izan dira hildako langileak.

Muxikan hildako langilea Transportes Barreira enpresakoa zen, Arabako Langraitz herrian egoitza duena. Enpresa horretan bertan, 2020an beste langile bat hil zen lan istripuan, eta 2023an beste batek istripu larria izan zuen. LAB sindikatuak salatu du Transportes Barreira enpresak urte batean 600 ordu estra sartu arazi dizkiola langile bati, eta azpimarratu errepideko istripuetan nekea arrisku faktore nagusienetakoa dela.