‘Salbatzaileen tenplua’ eraisteko ordua

Feminismo zuriaren aurka / Rafia Zakaria / Itzult: Amaia Apalauza Ollo / Elkar eta Jakin, 2023
Feminismo zuriaren aurka / Rafia Zakaria / Itzult: Amaia Apalauza Ollo / Elkar eta Jakin, 2023

Feminista eta anti-arrazistatzat duzu zure burua? Bururatu zaizu inoiz ezagutzen duzun feminismoaren historia zuria eta kolonialista dela? Kultura ez-zuriei buruz duzun ezagutza edo begirada zalantzan ipini dituzu? Ahalduntze feministaren inguruko irakurketa kritikorik egin duzu? Feminismo iragazkorra, sekurofeminismoa edo hautu-feminismoa zer diren jakin nahi duzu? Hari horiei tira egiteko, irakur ezazu liburu hau.

230 orrialdetan eta zortzi kapitulutan Rafia Zakaria abokatu, kazetari eta idazle pakistandar-estatubatuarrak feminismoaren supremazismo zuriaren aurka jarduteko gonbidapena egin digu. Horretarako, bizi dugun feminismoari kritika egin eta eztabaidarako proposamena luzatzen du. Zertarako? “Egiazko elkartasun feminista bat eraikitzeko” eta feminista guztiak elkarrekin “politika feminista zabal, sendo eta eraldatzaile bat sortzeko”. Liburuan zehar bere esperientziatik eta bere ezagutzatik hartutako adibide konkretuak azaldu eta hortik gogoeta partekatuko du irakurleokin.   

2017ko Jakinen Hizkuntza, generoa, klasea eta jatorria elkargunean eta 2022ko EHBFren Araka ditzagun gure bazterrak dira euskal feministen artean zuritasuna eta haren pribilegio eta botere-posizioa aintzat hartzen hasteko argitaratu diren lehen urratsak. Greba feministak antolatzean egondako gorabeherak ere aurrekaritzat har genitzake afera honetan. Liburu honek lagundu ahal digu bidea egiten jarraitzen, nahiz eta atsegina ez izan edo irakurri ahala erresistentziak agertu.    

Sayak Valencia mexikar filosofoaren 2021eko definizio bat ekarri nahiko genuke amaitzeko, Zakariaren liburuarekin batera begirada zurizentrikoa birkokatzen (edo deskolokatzen) lagundu ahal digulakoan: “Transfeminismoa ez da transgenero diskurtsoa feminismora ekartzea edo feminismoak gainditzeko asmoa, baizik eta transito egoerak, migrazioak, mestizajea, zaurgarritasuna, arraza, klasea eta generoa hartu eta matxinoen mugimendu sozialen memoria historikoarekin gurutzatzen dituen sare bat, egungo praktika eta subjektu guztiei diskurtsorako eremuak zabaltzeko, gutxiengo bilakatzen diren horientzat, feminismo hetero-zuri-biologizista-instituzionalak zuzenean aintzat hartzen ez dituenentzat”.


Kanal honetatik interesatuko zaizu: Liburu kritikak
Betiberdina

Lehengusinarekin eta haren senarrarekin landa aldera egindako irteera batean hasi zen dena. Horiek afaltzera joan eta ez ziren etxera itzuli. Haien bila atera eta horma batekin topo egin arte ibili zen protagonista. Hortik aurrera, hormak ez dio aurrera egiten uzten eta bi... [+]


Oskolak malgutzeko liburua

Soinean daramate etxea barraskiloek, bizkar-zorro kiribildua bailitzan, bizitzeko beharrezko dituztenak hara eta hona garraiatuta. Etxeak, ordea, kraskatu eta bitan bana daitezke. Bikoiztu ere egiten dira tarteka, behin-behinekoz bada ere gotorleku izatetik zama izatera igarota... [+]


Judutarren jazarpena gure artean

Afaltzen ari zirela entzun zuten ate hotsa. Zeruko izarrek sabbata heldua zela zioten”, horrela hasten da Gaizka Arostegiren nobela labur hau, Gestapoko "zakurrek” Sara eta bere gurasoen etxeko atea jotzen duten unean. Irakurleak ondorioztatuko zuen moduan,... [+]


Babesten gaituen itsasoa

Oihane Jakaren poema liburua ireki eta eskaintza bi aurkituko ditugu. Aitari bata, seme-alabei bestea. Aipagarria da, topatuko ditugun poemekin lotura zuzena baitute.

Liburuaren egiturak hiru atal ditu: Hamaika urte, Hamaika hilabete eta Hamaika egun. Hamaika zenbakia asko... [+]


Aitona hil egin da?

Karmele Mitxelenak Marrubizko uda ipuina argitaratu zuen Xaguxar bilduma honetan 2022an. Liburu hartan, neska-mutiko batzuen udako abenturak kontatzen ziren. Orain, aldiz, Aitona Floren liburua istorio askoz barnekoiagoa dugu, Danel mutiko protagonistaren ikuspuntutik... [+]


Eguneraketa berriak daude