Odol-gaiztoa!
aurre egingo dieten hedabide independenteak
Gure herriko Escuela Nacional-ean historia ikasi genuen, garaileek idatzitako Españako Historia. Geroago jakin genuen hainbat gertaera majo aldatuta zeudela edo kenduta... Esate baterako, Mexikon esan ziguten eskuin eskuko hatz lodia moztu ohi zietela Espainiaren izenean ari zirenek (tartean euskal herritarrak), gezia arkuaren sokan behar bezala finkatzerik izan ez zezaten, baina hatz hori gabe ere lanerako balio zutela geratzen ziren eta jauntxo hiltzaileak garbitzeko aukera gutxiagorekin. Baina hori aitortzea etxekalte aritzea zenez gurea bezalako maisuentzat eta buruzagientzat, historia apaindu edo, hobeto esan, asmatu egin zuten. Nik ez nuen gogoko historia hura.
Arerioa desegin behar da eta Gazako lerroa lerro eten bihurtu badute, guk txintik esaterako, zer ez ote dute egingo? Kontuz! Gerra baitu irtenbide erabiliena indartsuak
Eta bestea, berriz, Historia Sakratua. Gehiago gustatzen zitzaidana, izan ere, gertaera harrigarriak eta mirakuluak aipatzen ziren. Esaterako: Tiberiades Lakuan, Jesukristo ur gainean oinez ibili omen zela. Gu: zer oinetakorekin ibili ote huen? Txaluparik ez ote zegoan ala garestiegi ote huen, galdez... Sodoma eta Gomorrako biztanleak zigortu zituztenekoa ere ezin ahaztu; herritar zintzoak alde egin behar zuten suak beren bizilekuak erretzen zituen bitartean, baina baldintza bitxia jarri zieten, ezin zuten atzera begiratu inolaz ere. Emakume bi, jakin-minak eraginda edo Jainkoaren esana ez betetzeagatik, atzera begiratu zutenez, gatzarrizko irudi bihurtuta geratu ziren. Noeren Arka ere ez zen txantxetakoa: abere, pertsona, landare... eta traste pila kabitzen zena barru hartan, Gabiriako eliza adinakoa, gutxienez! Jainkoak hautatutako herria Israel zela ere ikasi genuen eta itsasoa bitan banatu zuen Jainkoak bere kuttunak pasa zitezen, eta arerioak bide beretik abiatzean, urak irentsi zituen betiko. Han aritzen ginen eztabaidan: hori egiteko gai denak bazekik aurrez zer gertatuko den eta ezin al zian saihestu hondamendi hori? Bai, baina ikasteko horixe egin behar, ordea, eskarmentua eman eta kito! Dena hartzen genuen benetan; guretzat ez zegoen metaforarik. Guk metafuera esaten genuen eta kontraesana zen hori!
Eta israeldarrak (Jainkoak aukeratutako herritarrak) egiten ari direna edo hedabideei jarraituz dakiguna, palestinarrak desegin arteko gerra! Berdin da jomuga haurtzaindegia, eskola edo ospitale bat den. Arerioa desegin behar da eta Gazako lerroa lerro eten bihurtu badute, guk txintik esaterako, zer ez ote dute egingo? Bistan da, ekonomia gaizki? Kontuz! Gerra baitu irtenbide erabiliena (erosoena? bakarra?) indartsuak. Errugabeak erailaz...
Indartsuak nahi duena egiten du, ideia antzuz betetako buru hutsen mundu hits honetan!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Setioa hausteko Palestinara janaria zeramaten aktibista batzuk atxilotuta jarraitzen duten bitartean, honako gogoeta hau:
Bigarren Mundu Gerra hasi aurretik, Hitlerrek beste herrialde batzuetako lurrak konkistatu bazituen ere, Mendebaldeko potentziek ez zuten ezer egiten... [+]
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Asilo-leku sakratua Erdi Aroko lege bat zen, zeinaren bitartez justizia atzetik zituztenek elizaren eta monasterioen babesari hel ziezaieketen. Akaso, bi mila urtetan ongia egin zuten apurra. Eta, jakina, ahal bezain azkar, lege hura desegitera jo zuten, desagertu zen arte. A ze... [+]
Bilboko Udalak iragarri du Lancor-Elgorriaga eta Consonni pabiloiak berehala eraitsiko dituela, eta segidan, Udalbatzan aurkeztu du lan horiek bizkortzeko proposamena, kontuan hartu gabe 80 pertsona inguru bizi direla bertan baldintza negargarrietan: euren ondasun urriak... [+]
Gero eta ahots gehiagok –ez eskuinetik bakarrik– “migrazioaren arazoari” ausarki helduko diotela aldarrikatzen dute. Narrazioa nahi baino ezagunagoa da: lanpostuen, zerbitzu publikoen eta baita etxebizitzaren gaineko lehian ere, baliabideak omen direlako,... [+]
Gaua egiten denean, eraikin asko ipurtargi bilakatzen dira hormigoizko basoan. Egunez ezkutuan gorde duten barnealdea eszena pusketetan voyeaur begibistara agertzen dira, argiztapen artifizialaren magia bitarteko. Gaueko auto zein oinezko paseoetan lurraldea eta eraikinak... [+]
1. Bernedo terrorismorik gabeko eremu bat izango da, erradikalik gabea, eta ez da mehatxu bat izango bizilagunentzat.
2. Bi aldeak proposamenarekin ados badaude, gerra berehala bukatuko da. Patriarkatuaren indarrek adostutako lerrora egingo dute atzera, bahitutako dutxak... [+]
Kosta egiten da hitz autorizatuak eraikitzea gaur den egunean, nahiz eta hitz horiek zerbaiti buruzko ezagutza sakona duten pertsona batzuenak izan. Maria Teresa Andruetto idazle argentinarrari entzuna nion ohartarazpena: jakintzarekiko eta lan iraunkorrarekiko... [+]
Txikitan, Txiki eta Che Guevara nahasten nituen. Umetako lainoarte baten moduan gogoratzen dut, baina gerora ulertu dut: Txikik Che miresten zuen. Horregatik, haren aurpegi mitikodun kamisetarekin agertzen da bere argazki gogoangarrian, eta Askatasun haizea poema euskarara... [+]
Onartzen dut sare sozialek nahi baino denbora luzeagoa kentzen didatela hainbatetan, eta guztiak ezabatzeko ideia buruan ibiltzen dudala maiz. Debate antzuak gogaikarriak eta bortitzak iruditzen zaizkit batzuetan, eta geroz eta zabalagoa den eskuin muturreko ideien presentzia... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Hasiera batean, memea ez nuen behar bezala ulertu, hitz hori entzuterakoan gustu txarreko irudiak zetozkidan burura, ustez grazia egin behar lidaketenak. Memeka zebilen mundu guztia nire inguruan, mugikor bidez irudi horiek igorriz, nire ustetan hutsalkeriak zabaltzeko besterik... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]