Israelen gezurrak
Gerra eta gezurra bat doaz eta Israelek historikoki erakutsi du gezurra maneatzeko duen abilezia. Azken egunotan ere, batere garbi ez dauden Israelen bertsio ofizialak asko zabaldu dira.
aurre egingo dieten hedabide independenteak
Ospitaleei erasoak. Urriaren 17an al-Ahli ospitaleak jasandako bonbardaketak ehunka hildako utzi zituen eta Israelek palestinarrei leporatu zien erasoa. Israelgo Gobernuaren arabera, Palestinako Yihad Islamikoaren misil erratu batek jo zuen ospitalea; Hamasek ukatu egin du eta Israelgo armadari egotzi dio erasoa. Bai Al Jazeerak, bai The New York Timesek gerora egin duten ikerketek erakutsi dute Hamasen misila (Israelgo Gobernuak seinalaturiko misil erratua) ez zela izan ospitalea suntsitzearen erantzulea.
Ospitaleak, Hamasen gotorleku? Azaroaren 15ean, Al-Shifa Gazako ospitale nagusian sartu ziren Israelgo indar armatuak, goitik behera miatzeko. Soldaduek ospitaleko langile eta pazienteak oldarkor galdekatu zituzten, hainbat lagunen kontra tiro egin zuten, ospitaleko pasillotik ateratzen saiatu zirenean. Ospitalean Hamasen tuneletarako sarrera dagoela eta bertan bahituak dituztela, hori izan da Israelgo indar armatuek eman duten argudioa, baina tunelak ez dira agertu, eta ospitalean Hamasen tunelak daudela zioen erizain baten bideoa, aktore batek grabatutako bideoa dela frogatu da.
Hamasek burua moztutako haurrak. Urriaren 7ko erasoan, Hamasek bahituak bortxatu eta umetxoei burua moztu ziela zabaldu zen lau haizetara, frogarik gabe. Israelgo soldaduen bertsioa Benhamin Netanyahu Israelgo lehen ministroak baieztatu zuen, eta atzetik Joe Biden AEBetako presidenteak errepikatu, berak ere argazkitan ikusi zuela. Gutxira, ordea, Bidenek gezurtatu behar izan zuen halako irudirik ikusi zuenik.
Urriaren 7an gertaturikoa. Urriaren 7an, Hamasek erasoa egin zuen Israel hegoaldean eta Israelgo agintarien arabera, 200 bat herritar bahitu zituen eta 1.400 inguru hil. Ondoren jakin da, ordea, Israelgo indar armatuek eurek ere hil zituztela herrikideak. Besteak beste, Beeri Kibbutzeko segurtasunaren arduradunetako batek, Tuval Escapa-k, adierazi du bahituen etxeak bonbardatzeko agindua jaso zutela israeldarrek, Hamaseko kideak hiltzeko helburuz, baina ekintza horrek herritar israeldarrak hiltzea ekarri zuen eraikin israeldarren aurka ere eraso egin zuten indar israeldarrek, Hamasek eraikinak hartu zituztelako, baina bertan israeldar soldadu eta langile ugari lanean ari ziren une horretan. Hamaseko kideekin tiroketa gurutzatuan, militar israeldarrek herritarrak hil zituztela ere (tartean Hamasek bahiturikoak) aitortu dute lekuko israeldarrek.
Ez da lehen aldia. Aurretik ere, ohikoa izan da gezurraren erabilera Israelgo agintarien eskutik. Shireen Abu Akleh Al Jazeera-ko kazetari ezagunaren kasua, esaterako, asko hedatu zen. Hasiera batean, militante palestinarrek hil zutela esan zuen Israelgo armadak, eta hilabeteak eta gero, ikerketek inguratuta, seguruenik Israelgo soldadu baten tiroa izan zela onartu zuten. Ikerketak erakutsi zuen soldaduak apropos egin ziola tiro burura kazetariari.
Asteazkenean, NATOren goi-bilera hastearekin, aliantzak herrialdeei inposaturiko gastu militarraren aurkako mobilizazioak izan dira Hego Euskal Herriko hiriburuetan. Ostegunean eta ostiralean Iranen eta Palestinaren aurkako gerrak salatuko dituzte.
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Israelek 33 palestinar hil ditu Gazan igandetik astelehenera bitartean, horietatik sei janari bila zihoazela. Israelgo armadak jakinarazi du Gazan bahituta zituzten hiru israeldarren gorpuak berreskuratu dituela. Bestetik, Mahmud Khali AEBetako Columbia Unibertsitateko ikaslea... [+]
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
3.000 zauritu ere utzi dituzte Israelgo armadaren erasoek. Maiatzaren bukaeran berrekin zioten laguntza humanitarioari, GHF fundazio estatubatuarraren eskutik; eta ordutik, bertaratutakoei tiro egin diete soldadu israeldarrek.
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Euskal Herriko ordezkaritza gara Gazara Martxan. Egiptora etorri gara mezu argi batekin: genozidioa salatzeko, blokeoarekin amaitzeko eta Israel estatu genozidarekin harreman guztiak eteteko exijitzeko.
Gure elkartasun ekintzaren aurrean, aginte sionistaren eta... [+]
Antolakuntzak salatu du Poliziak jarraitzen duela martxako partaideak atxilotzen eta tratu txarrak ematen. Kezka berezia agertu du Saif Abukeshek martxako presidentekidearen egoeragatik: astelehen arratsaldean atxilotu zuten, tratu txar “larriak” eman... [+]
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]