ARGIA.eus

2022ko abuztuaren 17a

"Jasangarri"

2022ko uztailaren 03a


Aspaldian, ikastetxe baten atarian “eskola jasangarriak” zioten banderak ikusi nituen. Barrezka hasi nintzen, eta nire artean pentsatu nuen: “Zelako zortea duten eskola honetako umeek, klaseak ez dira-eta guztiz aspergarriak, ondo eramango dituzte”. Noski, badakit irakasle eta gaien astuntasunarekin zerikusirik ez zuela bertan iragarritakoak, planeta babesteko ekimena zela.

Gaur egun, eskolez gain, dena da jasangarria. Ezinbesteko adjektiboa edozein proiektutan. Baina jasatea pairatzea da, eta beti tolerantziarekin lotuta dago: “Bale, bueno, tira, aguantatuko dugu besterik ezean”. Jasangarritasunaz dihardutenean, beste kontzeptu baten gainean dabiltza; daukagunari eutsi behar diogula, eskastxoa bada ere, iraun dezan, gehiago honda ez dezagun. Eutsi eta iraun dira aditz gakoak.

Eta Silvio Rodríguezek kantatzen duen moduan, tolerantzia da inkisidoreen pasioa. Ez ote du jasangarritasun kontzeptuak garbiketa berdetik gehiago iraunkortasunetik baino? Euskaraz, gura barik, asmatu ote dugu zurikeria izendatzen?

Bihurtuko ahal ditugu jasangarri guztiak iraunkor! Denbora agortzen ari da.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.

Kanal hauetan artxibatua: Iritzia  |  Euskara  |  Gizartea

Irakurrienak
ASTEKARIA
2022ko uztailaren 03a
Argia buletina
Egunaren laburpena
zure e-postan
Eguneraketa berriak daude