Saqqarako Piramideen Testuak orain arte aurkitutako testu erlijioso zaharrenak dira eta horietan “zeru” kontzeptua adierazten duen zeinu hieroglifikoarekin batera uteroaren eta burdinaren zeinuak agertzen zirela ikusi zuen eta, erlazio hori argitu eta egiptoarrek zeruaz zer kontzepzio zuten jakiteko, xehe ikertu ditu testuak.

Egiptoarrek Burdin Aroa bera baino lehen ezagutzen zuten burdina, meteoritoetatik zetorren eta; beraz, burdina zeruarekin lotzen zuten. Eta testuotan uteroa Nut jainkosarekin (irudian) lotuta agertzen da eta likidoz beteta zegoela ere esaten da. Hala, hauxe izan da ikerlanaren ondorioa: antzinako egiptoarrentzat zerua Nuten uteroa zen, burdinazkoa zen eta likido amniotikoz betea zegoen.