Orain, Tel Aviveko unibertsitateko arkeologo talde batek aldareak ikertu ditu eta ondorioztatu dute horietako batean intsentsua erre zutela. Bestean, aldiz, cannabinoide aktiboak aurkitu dituzte, bertan kalamua erre zuten seinale. Propio drogaren eragin psikoaktiboa bilatzen zutela uste dute ikerlariek, kalamuak ez baitu intsentsuak bezain usain erakargarria.

Jakina da Antzinaroan eta Historiaurrean ere kalamua eta beste droga batzuen kontsumoa zabaldua zegoela, baina, Eran Arie arkeologoaren hitzetan, “orain arte ez genuen uste Judeako erresuman erritual erlijiosoei lotutako kontsumorik zegoenik”.