ARGIA.eus

2020ko ekainaren 03a

Laino egunak

Itxaro Borda
2020ko urtarrilaren 12a

Urtea hasi zaigu laino pean. Gristasun zilarrak, aldi berean, lurreko bizidunak gerizatzen ditu eta arazoak begi bistatik kentzen, gure egunen anbiguotasunaren ikur bilakatuz. Alta, noiztenka, eguzkiak zama uher hori zulatzen du, bihotzetan emozio sinets ezina piztu bitartean. Urtats gaua gurbila izan da, halaber bitez ondoko hamabi hilabeteak, zotal-egunak barne.

Aturri hegian nago pentsatzen. San Izpiritutik ez dut udaletxea ikusten. Bost axola. Uraren azaletik laino piltzarrak altxatzen dira amultsuki eta entzungailuak belarrian, Alos Quartet eta MICE hautematen ditut aldizka, argitasun kontrastatuak zartaraziz arrats apala nola erortzen den Baiona gainera miretsiz. Ikusgarri ederragorik ez da. Maite Larburu, Mursego, Jeremi Garat eta Ibon RG gehituz, hor daukat eskura, 2020ko soinu banda distiratsua.  

Aurten ere musika on-ona beharko dugulako, laino, hodei, enbata, galerna eta haizete iragarriak jasateko; Macronia-ko karrikak mukuru daudenean edo etxean bakarrik gaudenean, ETB Kantxa kirol saioan, Mikel Urrutikoetxearen eta Aimar Olaizolaren binakako txapelketako balentriak pantailan jarraitzeko.

Bake eta zorion zuri, irakurle...

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  ETB

Iritzia kanaletik interesatuko zaizu...

ASTEKARIA
2020ko urtarrilaren 12a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude