Immigrazioa eta zurrumurruak: zenbakia bai, baina...

Jende askok pentsatzen du immigrazioaren inguruko zurrumurru eta estereotipoei aurre egiteko tresna eraginkorrena eta bakarra datu estatistikoak direla. Argi dago, fenomeno honen errealitatea era argi eta zehatzean ezagutu behar dugu ezinbestean; dena den, zenbakien mugak eta ahuleziak mahai gainean jarri behar ditugu.

Sarritan ikusi ohi dugu immigrazioaren arloan, errealitatea eta pertzepzioa ez datoz bat. Urtetik urtera, esaterako, immigrazio kopuruaren pertzepzioa errealitatearena baino altuagoa da eta gaur egun zifra hau %10ekoa bada, pertzepzioa %17koa da. Baina 2007an, etorkinen kopurua %5,7koa zenean, pertzepzioa %17,9koa zen, gaur baino altuagoa etorkinen kopurua gaurkoaren erdia zenean. Zentzu honetan, argi izan behar dugu errealitate estatistikoaz gain komunikabideen tratamendua edota diskurtso politikoek eragina dutela pertzepzio hauen eraikuntzan.

Arazoa ez da soilik jasotzen den informazioa egokia edo erratua izatea, hala izango balitz datu estatistiko zorrotzak ematearekin nahikoa izango litzateke zurrumurruen zein aurreiritzieen aurka egiteko. Aurreiritzien osaketan elementu arrazionala dago –jasotzen dugun informazioa–, baina baita ere dimentsio emozionala. Burua eta bihotza daudela aurreiritzien baitan alegia.

Horrela izanik, aurreiritziei kontra egin nahi badiegu, bi aldeak landu behar dira, arrazionala eta emozionala; lehenengoarekin ez da nahikoa izango. Lehenik eta behin, emozionaltasunaren arlo horretan, garrantzitsua da nolabaiteko enpatia erabiltzea gerturapenean. Adibidez, ezer gutxi lortuko dugu jendeari arrazista deitzen badiogu ezagutu orduko. Bigarrenik, agian merezi du diskurtso bertutetsu eta perfektuak zokoratzea eta errealitatean gertatzen diren esperientzien bidez immigrazioaren fenomenoaren normaltasunaren laudorioa egiteak. Honen bidez, datu hotzak eta urrutiko adibideak zokoratuz eta gertutasuna eta egunerokotasunari garrantzia emanez. Era berean, espazioak garrantzitsuak dira, hitzaldiak interesgarriak izan daitezke, baina aisialdietan edota festetan espazio egokiak bilatzea ere estrategia oso eraginkorra izan daiteke.

Laburbilduz, datuak bai, emozionaltasuna ere bai. Informazio zorrotza eman behar dugu immigrazioaren inguruko zurrumurruei aurre egiteko; baina era berean bihotzera eta erraietara ailegatzen diren istorioak landu behar ditugu, elkarbizitza arriskuan jartzen duten aurreiritziei aurka egin nahi badiegu behintzat.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude