Harmailetako animoek ez dute oihartzunik bulegoetan

Jon Torner Zabala @jtorner
2018ko urriaren 21a
@EFF_FVF

15.132 ikusle bildu ziren urriaren 12an Gasteizko Mendizorrotza futbol estadioan, Euskal selekzioak duela bi urte San Mamesen jokatutako partidan bezainbeste. Orduko hartan baino giro askoz ere hobea zegoen halere harmailetan, nabarmen biziago zeuden animoak. Txaloak beraz zaleentzat, duela bi urte hilzorian ikusten genuen proiektuarekiko ilusioa pizteagatik.

Venezuelaren aurkakoa FIFA datetan jokatu da, eta horrek ere lagundu du, oihartzun handiagoa lortzeaz gain, bide ematen duelako aurkari indartsuagoen aurka jokatzeko eta erakusteko Euskal selekzioa gai dela eurei irabazteko.

Izan da, dena den, nabarmendu dutenak zale batzuen “jarrera gaitzesgarria”, tartean hainbat hedabidek, baita Eusko Jaurlaritzako Kultura sailburu Bingen Zupiriak ere, txio pare batean: “Harmailak ia beteta. Lastima batzuek erakusten duten errespetu falta. Lan asko egin beharko da nazioartean onar gaitzaten eta jokabide batzuek ez dute laguntzen. Eskerrak jokalariei [1]. Ez dut gogoko Euskal Selekzioa aldarrikatzeko Espainiako banderak erretzea, arerio politikoa iraintzea, gure ikurrak ez errespetatzea, Ajuria Eneara petardoak botatzea eta kirolarekin zerikusirik ez duten kontuak kirol aldarriekin nahastea [2]”.

Ez, mesedez, ez dut gehiago entzun nahi politika eta kirola ez direla nahasi behar. Ez dugu berriro azalduko lelo horrek ezkutatzen duen mezu/borondate engainagarria. Horren ordez, administrazioak azaldu beharko luke zer egin eta egingo duen euskal selekzioa ofiziala izan dadin. Agian sukalde-lan gogor eta zikinetan dabiltza murgilduta (FIFA datetan jokatzea ahalbidetu izanak demostratuko lukeena neurri batean), baina ematen duen itxura da ez dela nahikoa egiten.

Jon Redondok, Jaurlaritzako Kirol zuzendariak, urte hasieran Diario Vascok plazaratutako elkarrizketan zioen Gabonetako partidek ez dutela zentzurik, eta administrazioak ez duela horretara bueltatzeko asmorik. Bost nazioen balizko txapelketaz mintzo zen, eta adierazi zuen nazioartearen aitortza lortzeko “herrialde serioa garela eta talde indartsua dugula” erakustea ezinbestekoa dela, eta Euskal Federazioari dagokiola nazioartekoari eskatzea barnean hartzeko.

Ez da bide samurra, ertz ugari baititu auziak, Mendizorrotzara joan ziren Nafarroako zaleek Arabara sartzean ikusi zuten “Euskadi” ongietorri kartelak azaleratzen duen moduan, baina, partida irabazteko ez da nahikoa jokalariek golak sartzearekin.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskal selekzioak  |  Futbola

Euskal selekzioak kanaletik interesatuko zaizu...
Kataluniako afera. Eta euskal isiltasunaren ondorioak?

Agian, Kataluniako herriak Bruselan abenduaren 7an egin behar duen manifestazioan egotea dagokio Euskal Herriari. Agian, gure aldarrikapena berearekin batera aldarrikatzea dagokigu. Agian, aurten Gabonetan Euskadi-Katalunia partida jokatu beharko litzateke Bruselako Heysel estadioan… Agian.


2017-11-14 | Jon Torner Zabala
EH Bilduren proposamena euskal selekzioaren inguruan: Bai baina...

EH Bilduk Estaturik gabeko nazioen arteko futbol txapelketa antolatzea proposatu du, “euskal selekzio ofizialak sustatzeko”. Legebiltzarrari eta Eusko Jaurlaritzari eskatu die kirol federazioei “babes osoa” emateko, “nazioarteko txapelketa ofizialetan parte hartzeko egin beharreko gestioak burutzeko”.


2017-05-19 | Euskal Irratiak
Euskal Selekzioak ezingo du parte hartu herrialdeen arteko munduko surf txapelketan

Surfean, larunbat huntan hasiko dira Miarritzen selekzioen arteko munduko xapelketak. Aste batez 250 surflari lehiatuko dira Miarritzeko Ondartza haundian, bai mutiko eta bai nesketan. Euskaldunak haatik, berriz ere Frantzia eta Espainiako selekzioekin ari beharko dute, atzo berean, Euskal Herriko Surf federaknutzari ezetza eman baitiote.


2017-01-04 | Info 7 irratia
Martxel Toledo
"Helburua ofizialtasuna behar da izan, bestela turroiaren ordez laranjaren partidua izango da"

"Soluzio politikoak" behar direla uste du Martxel Toledo ESAITeko kide ohiak ofizialtasunaren bidean. Azken urteetan eman ez diren urratsen ondorio dela harmailak hutsik egotea, gehitu du.


Sokatirako euskal selekzioak urrezko domina lortu du Munduko Txapelketan

Suedian jokatutako txapelketan lortu dute domina, lur gaineko 580 kilogramoko proban lehiatuta. Sokatirako taldeak 2014an lortu zuen ofizialtasuna.


2014-12-24 | Jon Torner Zabala
Jauzia ekimenak jaso dituen atxikimenduak bideoan

Jauzia euskal selekzioen ofizialtasuna bultzatzeko ekimen herritarrak orain arte jaso dituen atxikimenduen bideoa sareratu du.


2014-10-13
Euskal selekzioak eta independentzia
MULTIMEDIA - solasaldia

ESAITeko kide Martxel Toledoren eta txirrindulari ohi Mikel Astarlozaren solasaldia, Aitor Manterola kazetariak gidatuta. Zumaiako EHBilduk antolatutako Hamaika arrazoi independentziarako hitzaldi zikloko lehena izan zen euskal selekzioen ofizialtasunari buruzkoa.


ASTEKARIA
Azkenak
EGILEA
Eguneraketa berriak daude