Otsoak artzain
Europako Batzordearen buru jarri dute Jean Claude Juncker entzutetsua, ez hain aspaldi. Luxenburgokoa da jatorriz eta guztiek dakigu dukerri hori Europaren baitako bizpahiru paradisu fiskaletatik bat dela. Aberatsetan aberatsena. Multinazional gehienak, Ikea, Amazon edo Apple, adibidez, bertan errotuak dira, han eta hemen eskuratzen dituzten uzta erraldoien gainean, ahalik eta zerga gutxien ordaintzeko. Nazio-estatuak izorratzeko helburua betea da eta moral neoliberala zaindua.
Bizkitartean, ironia balitz ederrago liteke, Europako Batzordearen lehen lana iruzur fiskalaren aurkako borroka indartzea dela erran dute goraki. Ez dituzte industria militarren eremuko enpresen pribilegioak kenduko, haien premia dutelako funtsean, arditari arditaren zukua ateratzeko oraino. Antza denez, intentzio deklarazioak dira nagusi. Ez dute deus eginen, merkatuen labanaz hiritar amilduen eskubideak urratzeaz aparte, jendetza horren beraren konplizitatearekin, Europaren salbatzeko sakrifizioak biderkatzeko prest dagoela erakusten baitute aburu ikerketa batzuek.
Otsoak artzain, hoberik ez da.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Datozen hauteskundeak bereziak dira, hauteskunde guztiak diren moduan; bat ez dela esaten diguten egunean izango da berezia, esaten digutenean “aurten gertatuko den guztia, gertatu da lehenago ere”. Asko erabakitzen omen dugu. Beldur pixka bat ematen du, ez? Zer? Zer... [+]
Askotan pentsatzen dut informazio larregi jasotzen dugula, eta, zeinen ondo bizi den ezjakintasunean. Hainbeste informaziorekin, pertsona xumeok botere ezberdinen helburuak eta horiei loturiko jokabideak ulertzeko ditugun aukerak inoiz ez bezalakoak direla dirudi. Baina ez da... [+]
Europar Batasuneko (EB) Legebiltzarra berritzeko hauteskundeak deituta daude datorren ekainerako eta iraupena 2029 artekoa izango da. Amaitzear dagoen legealdi honetarako, Ursula von der Leyen batzordeburuaren helburuetako bat zen Europa berdea sustatzea, baina xede hori... [+]
Urteak daramatzat nire herriko Elkarlaguntza Sarean militatzen. Bertako Etxebizitza Sindikatuan zenbait jatorritako jendea batzen gara eta komunitate musulman handia dago. Aurten, ramadana dela eta, Elkarlaguntza Sare osotik gau batean ramadan gosaria egin dugu. Eztabaida sortu... [+]