Diru laguntzen inguruko eztabaidaz
aurre egingo dieten hedabide independenteak
Onartu behar dut, Gasteizko alkateak Diru-sarrerak Bermatzeko Errenta (RGI delakoa) hobetzeko planteatu dituen baieztapenekin ados nago. Hau da, iruzurrari aurre egin behar zaio eta ahal den neurrian gutxienekora ekarri. Inefizientziei –egon badaude– aurre egiteko erreformak egin behar dira. Sistema hobetzeko eztabaida sustatu behar da. Ados nago.
Beraz, eztabaida hemen bukatu beharko litzateke eta nire artikulua ere. Ordea, argudio horiek aitzakiak baino ez dira nire ustez, arazoa eta eztabaida pizte horren helburua beste testuinguru batean kokatzen baitira. Benetan, lehen aipatutako ideiak balira gakoa, eztabaida ez zen komunikabideen bidez plazaratuko eta are gutxiago sinadura bilketa baten proposamena egingo. Eztabaidagunea teknikoa eta politikoa da, hortaz, Gasteizko alkateak eztabaida-mahai tekniko eta instituzio-artekoa proposatu beharko luke. Egia esan, ez dakit sinadura bilketa baten bidez eta eztabaida taberna-kalean kokaturik nola egingo diogun aurre prestazio ekonomiko horretan ematen diren inefizientziei. Era berean, joko garbitik nahiko urrun dago Eusko Legebiltzarrean ordezkagarritasuna duen alderdi bat izatea Herri Ekimen Legegilea bultzatzen duen erakundea, bereziki tresna hori herritarrek alderdietatik at legegilean parte hartzeko pentsatuta dagoenean.
Argi dago zein den zurrunbilo guzti horren helburua: alderdi guztiek erabaki ahal izatea zein den euren aldarrikapen politikoen ardatza eta justifikazio morala. Dena den, neurtu dezatela euren proposamenekin zein den bultzatu nahi duten eredua eta eman daitezkeen emaitzak eta ondorioak.
Euskal Autonomi Erkidegoak gizarte bazterketari aurre egiteko duen sistema Estatuko hoberena da –zalantzarik gabe– eta Europako eredu garatuenekin konparatu daiteke. Horri esker gure pobrezia tasak beste erkidegoetan baino baxuagoak dira. Hauteskunde estrategiarengatik sistema zalantzan jartzeak merezi al du? Oso arriskutsua da sistema bera deslegitimatzea eta hori da hain zuzen ere zabaldu den mezua.
Orain arte gainontzeko alderdi nagusi guztiek tentuz jokatu dute, argi erakutsi dute ez daudela prest PPren musikarekin dantza egiteko, elkarkidetzaren eta kohesioaren aldeko apustu nabaria egin aldera. Poztekoa eta zoriontzeko jarrera da eurena. Horrekin batera, susmoa dut PPk ez duela ondo neurtu bere estrategia eta bere kontra bihurtu daitekeela eztabaida hau. Udal hauteskundeetan ikusi beharko nire pitoniso-momentua.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Setioa hausteko Palestinara janaria zeramaten aktibista batzuk atxilotuta jarraitzen duten bitartean, honako gogoeta hau:
Bigarren Mundu Gerra hasi aurretik, Hitlerrek beste herrialde batzuetako lurrak konkistatu bazituen ere, Mendebaldeko potentziek ez zuten ezer egiten... [+]
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Asilo-leku sakratua Erdi Aroko lege bat zen, zeinaren bitartez justizia atzetik zituztenek elizaren eta monasterioen babesari hel ziezaieketen. Akaso, bi mila urtetan ongia egin zuten apurra. Eta, jakina, ahal bezain azkar, lege hura desegitera jo zuten, desagertu zen arte. A ze... [+]
Bilboko Udalak iragarri du Lancor-Elgorriaga eta Consonni pabiloiak berehala eraitsiko dituela, eta segidan, Udalbatzan aurkeztu du lan horiek bizkortzeko proposamena, kontuan hartu gabe 80 pertsona inguru bizi direla bertan baldintza negargarrietan: euren ondasun urriak... [+]
Gero eta ahots gehiagok –ez eskuinetik bakarrik– “migrazioaren arazoari” ausarki helduko diotela aldarrikatzen dute. Narrazioa nahi baino ezagunagoa da: lanpostuen, zerbitzu publikoen eta baita etxebizitzaren gaineko lehian ere, baliabideak omen direlako,... [+]
Gaua egiten denean, eraikin asko ipurtargi bilakatzen dira hormigoizko basoan. Egunez ezkutuan gorde duten barnealdea eszena pusketetan voyeaur begibistara agertzen dira, argiztapen artifizialaren magia bitarteko. Gaueko auto zein oinezko paseoetan lurraldea eta eraikinak... [+]
1. Bernedo terrorismorik gabeko eremu bat izango da, erradikalik gabea, eta ez da mehatxu bat izango bizilagunentzat.
2. Bi aldeak proposamenarekin ados badaude, gerra berehala bukatuko da. Patriarkatuaren indarrek adostutako lerrora egingo dute atzera, bahitutako dutxak... [+]
Kosta egiten da hitz autorizatuak eraikitzea gaur den egunean, nahiz eta hitz horiek zerbaiti buruzko ezagutza sakona duten pertsona batzuenak izan. Maria Teresa Andruetto idazle argentinarrari entzuna nion ohartarazpena: jakintzarekiko eta lan iraunkorrarekiko... [+]
Txikitan, Txiki eta Che Guevara nahasten nituen. Umetako lainoarte baten moduan gogoratzen dut, baina gerora ulertu dut: Txikik Che miresten zuen. Horregatik, haren aurpegi mitikodun kamisetarekin agertzen da bere argazki gogoangarrian, eta Askatasun haizea poema euskarara... [+]
Onartzen dut sare sozialek nahi baino denbora luzeagoa kentzen didatela hainbatetan, eta guztiak ezabatzeko ideia buruan ibiltzen dudala maiz. Debate antzuak gogaikarriak eta bortitzak iruditzen zaizkit batzuetan, eta geroz eta zabalagoa den eskuin muturreko ideien presentzia... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Hasiera batean, memea ez nuen behar bezala ulertu, hitz hori entzuterakoan gustu txarreko irudiak zetozkidan burura, ustez grazia egin behar lidaketenak. Memeka zebilen mundu guztia nire inguruan, mugikor bidez irudi horiek igorriz, nire ustetan hutsalkeriak zabaltzeko besterik... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]