Kontrolpean
Irailaz geroztik, elektrizitate-konpainiakoak lau aldiz etorri dira kontagailua aldatzera. Argi esan diegu ahoz eta idatziz: ez dugu nahi kontagailu digitalik. Baina etortzen jarraitzen dute.
Esaten digute doan dela kontagailu-aldaketa, baina guk ez dugu ikusten arrazoirik ongi dabilen kontagailua aldatzeko. Azken bisitan, paper bat sinatu nuen gure uko erabatekoarekin. Etorri zen langileak aipatu zuen agian agindu judizialak baliatzen hasiko dela enpresa. Susmagarria da halako ahalegin handietan aritzea enpresa bat, ez bada asko duela irabazteko.
Arrazoi asko daude kontagailu digitala jartzeari ezetza emateko (lanpostuen galera, adibidez), eta kasu emateko modukoa da gure kontsumoen gaineko kontrola zorroztuko dutela.
Orain aldian-aldian kontagailua irakurrita dakite zenbat elektrizitate gastatzen dugun. Kontagailu digitalen bidez, etengabe –gau eta egun– kontrolatuko dute noiz, nola eta zertan kontsumitzen dugun argindarra. Horri esker, izugarrizko boterea (ekonomikoa, baina ez hori soilik) eskuratuko du xede teoriko gisa herritarrei elektrizitatez hornitzea duenak.
Beste kontrol bat, hori gabe ere aski kontrolaturik bizi garenontzat.
Beti izan baitira susmoak eta zantzuak herritarron gaineko kontrolari buruz, eta azkenotan susmoak ebidentzia bilakatzen ari dira. Nafarroako irakasleei buruzko Guardia Zibilaren txosten erreserbatuaren aferak, adibidez, jende askoren susmoak berretsi ditu. Agerian gelditu berri diren nazioarteko zein herrialdeen barneko espioitza kasuek bezala. Eta gero eta nabarmenagoa da ordenagailu, mugikor eta halakoen bidez gure bizitzetan sartzeko ahalmen izugarria dutela.
Kontrola beti egon da hor, eta teknologia berriek –zeinek eta teorian gure bizimodua errazten omen duten horiek beraiek– kontrol hori areagotu eta erraztu dute. Geure borondatez (libreki?) geuk ordaintzen ditugun tresnak baliatzen dituzte gu kontrolatzeko.
Segur aski, ezer gutxi egiten ahal dugu kontrol-sistema horien kontra, baina komenigarria da haien existentziaz jabetuta egotea.
Eta behin ohartuta, zer? Kikildu gaitezke, edo irudimenari eta umoreari heldu. Eta esperimentatu. Batzuetan, klik batzuk aditzen ditugu telefonoan. Duela bi urteko hauteskunde espainiarren garaian ohartu ginen klikadak hitz jakin batzuk esan ahala aditzen genituela. Gure lagun Amaiurren urtebetetzea aipatu, eta klik egin zuen telefonoak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Irango hiru gune nuklearrei eraso diete AEBek pasa den asteburuan. Donald Trump eta aiatolaren arteko pultsuan eta Netanyahuren rolean zentratu dira hedabideak albistea ematerakoan, ez ordea bertoko zein diasporako herritarren larritasunean: Teheranetik ihes egiteko bultzakada,... [+]
2016. urtean Ping elkarteak urtero Nantesen antolatzen duen Summer Lab-ean izan nintzen. Gurean ere halakorik badugu, adibidez uztaileko lehen astean Tabakalerako Medialabean ematen dena.
Nanteseko Summer Lab-ean OSHW (Open Source Hardware / Kode Irekiko Hardwarea) inguruan,... [+]
Madrilgo presidente Ayuso faxistak itsuskeria egin dio EAEko lehendakari Pradalesi, euskaraz aritu delarik, harrokeriaz, aldibereko itzulpen sistema erabiltzeari uko egin eta alde eginda. PPko senatari batek ere “txorradatzat” hartu du “hogei... [+]
Lehengoan batera elkarrizketatu gintuzten Gonzalo Hermo poeta galiziarra eta neu. Kontatzen nion niri ere gustatuko litzaidakeela esatea nire aurrekoak marinelak izan zirela, baina nire familian denak dira galdatzaileak. Gainera, eremu industrial batean bizi naiz, itsasotik... [+]
Prekaritateak prekaritate, Euskal Herriko ezkerreko militanteak, oro har, ez gara txarto bizi. Udako oporrak dira horren adibide, asko baikara atseden plan bikaina dugunok; ikastaldi aroko gure ekologismoari, ordea, keroseno kiratsa dario. Zein baino zein hegaldi garestiagoak... [+]
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Wesley Clark AEBetako jeneralak azaldu zuen moduan, 2001eko plana zen bost urtetan zazpi herrialde hartzea: Afganistan, Irak, Somalia, Sudan, Libano, Siria eta Iran. Ez dira bost urte izan, baina denak, azkena Siria, erori dira, Iran izan ezik.
Iranek erasoak Sirian, Iraken... [+]
Desinformazioak eta pentsamendu likidoak den-dena hartzen duten garaiak bizi ditugu; garai aproposak beren benetako izatearen disimuluaren arituentzat. Garai aproposak jendea engainatzeko eta Kodizia Jainkosa gurtzen jarraitzeko; jazartzen gaituen Solariaren garaia omen... [+]
Joan den igandean, ekainak 15, ugatzari buruzko artikulu interesgarria argitaratu zuen Rosa Canchok El Correo egunkarian. Azken urteotan hegazti sarraskijale adierazgarri honek Araban bizi duen itxaropen onaren egoeraz hitz egiten zen testuan. Arabako Foru Aldundiko Ingurumen... [+]
Hainbeste jainko, arima, teontzi… beren izatea frogatu ezinik, eta jendeak ez ditu sinesten zientziak, kazetaritzak… ahal bezala, baina geure espezieaz harro egoteko moduan, frogatutakoak. Batzuek Lurra laua dela diote, eta debekatuta dagoela Antartikara... [+]
Maiatza Birjina Mariaren hilabetea den bezala, amak ospatzeko aukera da Mendebaldeko jendartean. Kasualitatea? Ez dut uste. Frantses lurraldean, Vichyko gobernuak besta hori instituzionalizatu zuen. Helburua bertuteko eta sakrifizioak egiteko prest den pertsona hori handiestea,... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]