Epikoa
1) Literatura generoa. Anakronikoa bada ere, aro garaikidea deitzen deneko lan asko elikatu ditu. Anakronikoa delako da interesgarria epika, batez ere, esanahien lekualdatzea gauzatzen badu.
2) Epi(dikti)koa irakur genezake. Erretorikaren genero bat da solas epidiktikoa. Gure literatura solas ediptiko hutsa dela idatzi du Joseba Sarrionandiak. Lengoaiaren nahiz irudiaren espektakuloaren gizartean, ikuskizunaren osagarri delako deus ere zalantzan jarri gabe. Eta bakoitzak bere zokoa bilatzen duelako self service erraldoian.
3) Baita e(di)pikoa ere. Harreman edipikoetan self service modukoak dira bazterrak. Hartu eta eman, eman eta hartu, metro karratu beraren inguruan. Epikureoa izan daiteke halaber metro karratu beraren inguruan benetako eztabaidari, frikzioei, hazteari, ihes egitea.
4) Egungo egoera ekonomikoaren irtenbideek epikoak beharko lukete? Ekonomia epikoagoa, sozialagoa, etekin ase-ezinak bilatu ordez komunitatearen benetako beharrei begiratuko diena. Ekonomiaren estetizazioari, hau da, espektakularizazioari, aurrez aurre begiratuko diona.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Urte bat bestearen ondotik, 87 urte joan dira astelehen lazgarri hartatik, apirilaren 26 hartatik; azoka eguna Gernikan, heriotza eguna. Suzko eta berunezko egunak eta urteak ondoren. Hildako ugariren gainean porlana eta isiltasuna. Porrota eta sufrikarioa. Nortasun debekatua,... [+]