“Utikan lixtomari, izorratzaile, diruaren soldaduak!”
- 666 artikulutik gora, mende laurden irratian aholkulari eta badu oraindik zeresana.
Badut geranio bat etxean…
Zorionak! Hire edadeko asko ez dek geranioa ezagutzeko gai izango. Geranioa, hala ere, lagun ona izateko errazegia dek: kanpoan eguzkitan jarri eta egunero lurra busti.
Ez diot hitz egin behar, tarteka laztandu?
Hitz egiok heure buruari, laztan hadi herorri... Gor eta mutu haiz harentzat. Begirazak eta erakutsiko dik, maitatzen-maitatua izaten. Asmatzen badek, muturrean ere igarriko zaik.
Psikologo merkeagorik!
Bai horixe! Gizaki arreba-anaia zakurra bezala tratatzera jarrita gaude eta gainontzeko izaki guztiak jo eta zanpatzera. Landareak geu adina inteligente edo gehiago direla jabetzean asko ikasiko dugu.
Arrazoi duzu: gu joango gara, baina landareek hemen jarraituko dute!
Dudipe! Landareek 400 milioi urte baino gehiago daramate Lurreko gora-beheretara egokitzen. Gizakiak bi eskas, eta gure espezieak 200.000 urte inguru eta andere eta jabe garela uste dugu... Gure espezieaz beste egin arteko onik ez dugu. Algaraka hartuko dute landareek gure desagerpenaren berria.
Galbidean gaudela ez konturatzea ere!
Ez motel! Ederki asko jabetzen gaituk zertan ari garen. Landareek bere estrategiak sortu eta garatzeko espeziean pentsatzen ditek. Gure arazoa espeziean, herrian, pentsatu beharrean bakoitzak bere interesetan pentsatzea da.
Zilborraren diktadura, mon ami.
Adibidez, Usurbilen, atez atekoarekin ikaragarrizko eskola sortu dek, iraunkortasunaren hiru alorrak landuz: gizartea, ekologia eta ekonomia. Eta munduan eredu izan daitekeena sustatu beharrean, zertan ari dituk gure agintariak? Zaborra erretzeko negozioa antolatzen. Hori ez dik ezjakinak egiten, gaiztoak baizik. Baina lasai, historiak bakoitza bere gurdira uztartzen du.
Begetalago bilakatuko bagina?
Ez, alajaina! Landareak mundu honen oinarria dira, etengabeko ikasgai. Zoratu gabe, ordea. Emakumeok eta gizasemeok gara, haiei esker, Lurreko ekosistemaren gailurra, eromeneraino interesgarriak.
Egia, lorontzi izatea ez dugu maite.
Ur aparretan agertzea oso geurea dugu. Dotoreena, nabarmenena, deigarriena, apainena, perfumatuena azaltzea, etengabe besteak erakarri nahi hori, animalia da erabat. Zikinena.
Gauza garbirik bada, asfaltoa.
Asfaltoa! Jan egingo gaitu. Geure simaurretan itoko gara. Denon ardura da eta, neure artean, neure buruak auzo lotsa sortzen dit.
Progresoa, badakizu.
Progreso honek, behingoz, progresoa txarra dela konturatzeko balioko balu, gaitzerdi! Utikan progresistak! Axkar, lixtomari, motx, izorratzaile, diruaren soldaduak!
Hiroshima eta Nagasakiko masakre nuklearren 80. urtemuga heldu zaigu, eta inoiz baino eskasagoak dira itxaropentsu izateko inputak. Hala ere, No More Hibakusha! aldarrikatzen jarraitu beharko dugu... ordukoei ez ezik geure buruari zor diogulako.
Israelgo lehen ministroa Segurtasun Kabinetearekin bilduko da asteartean, "Gaza osorik okupatzeko planaz" eztabaidatzeko eta hori aurrera eramateko. Israelgo armadaren buru Eyal Zamirrek, aldiz, Gazan diharduten lurreko soldaduei "atseden hartzeko tartea" ematea... [+]
Zer: Orquestra de la Comunitat Valenciana
Zuzendaria: Mark Elder
Bakarlaria: Nelson Goerner (pianoa)
Egitaraua: Txaikovsky eta Xostakovitxen lanak
Lekua: Kursaal Auditorioa, Donostia.
Data: abuztuaren 3a.
-------------------------
Orquestra de la Comunitat Valenciana... [+]
Bigarren aldiz da El Salvadorko presidente Bukele, konstituzioak legegintzaldi bat baino gehiagoz presidente izatea debekatzen badu ere. Orain, konstituzioa aldatu eta nahi beste aldiz hautatu dezakete presidentea.
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
Euskal diasporaren Boiseko Jaialdiaren testuinguruan, Etxepare Euskal Institutuak eta AEBetako euskal erakunde NABOk euskararen irakaskuntza sustatzeko akordioa sinatu dute. Hori horrela, AEBetako Euskal Etxeek euskara "sustatuko eta trinkotuko" dute, eta Jaurlaritzak... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Ukabilkadak, bultzadak, blokeoa, izotz jaurtiketak eta abar jasan behar izan dituzte Bajadika aldarrikatzailea egin duten pertsonek.
Gorpuzkiak aurkitu eta lurpetik atera ahal izateko ezinbestekoa izan da Gesalaz Muniango bi bizilagunen testigantza: Lucio eta Domingo Zabalza anaiek adierazi zuten, haur zirela, hainbat pertsona lurperatu zituztela leku horretan Guesalazko haranean, herri horretako... [+]
Zer: “Requiem (s)”. Ballet Preljocaj.
Koreografia: Angelin Preljocaj.
Eszenografia: Adrien Chalgard.
Argiztapena: Éric Soyer.
Jantziak: Eleonora Peronetti.
Bideoak: Nicolas Clauss.
Lekua: Kursaal Auditorioa, Donostia.
Data: abuztuaren... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]