Turistifikazioaren Aurkako Urria manifestazio jendetsu batekin borobildu zuen igandean desazkunde turistikoaren aldeko Bizilagunekin plataformak, baina turistifikazioaren inguruko eztabaidak bizirik jarraitzen du hirian. Hain zuzen ere, Donostiako azken urteko turismoaren... [+]
Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
asteartea 2025eko abuztuaren 05ean
Turismoaren negozioaren aurka mobilizatu dira Zarautzen
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu Sozialistak.
Dozenaka herritar mobilizatu dira Zarautzen, larunbat eguerdian, "turismoaren negozioari ez" eta "haien aberastasuna, gure miseria" lelopean. Urola Kostako Kontseilu Sozialista.
Zure babesik gabe independetzia ezinezkoa zaigu
Dozenaka herritar mobilizatu dira larunbat eguerdian Zarautzen, turismoaren negozioaren aurka. Turismotik aberasten diren enpresaburuak seinalatu dituzte, uda sasoiko langileen baldintzak negargarriak direlako; turismoari loturiko etxejabeak ere interpelatu dituzte, negozioa egin eta batik bat etxebizitzaren alokairua igotzen laguntzen dutelako; eta azkenik, politikariak ere seinalatu dituzte, "konplize" direla adierazita.
10 etxetik 3, neguan hutsik
Bereziki Zarautzen eta Urola Kosta eskualdean dagoen etxebizitzaren auzia nabarmendu dute manifestariek. Etxebizitza Sindikatuak adierazi duenez, etxe turistikoak hirukoiztu egin dira Zarautzen azken zazpi urtetan, eta herriko hamar etxetatik hiru, gaur egun, hutsik daude edo bigarren etxebizitza dira. Hortaz, herrian ez direla etxeak falta adierazi dute, azken urteotan argudio horrekin mila etxebizitzatik gora eraiki badira ere. Sindikatuak emandako datuen arabera, azken hamar urteotan alokairuaren prezioa %40 garestitu da eta etxe eraiki berriek 500.000 eurotik gora balio dute.
Azken 10 urteotan alokairuaren prezioa %40 garestitu da Zarautzen, eta etxe eraiki berriek 500.000 eurotik gora balio dute
Turismo jasa handiko herri edo hirietan ohikoa den moduan, Urola Kostan ere gertatzen da alokairuan bizi diren "herritar askok" udan euren etxea uztera behartuta egotea, "etxejabeek turistei alokatuta diru gehiago irabazten dutelako". Orioko bizilagun batzuen kasua ekarri dute gogora: aurreko udan etxetik alde egin behar izan zuten, baina aurten, sindikatuarekin antolatuta, jabeari eta higiezinen agentziari planto egin eta etxean geratzea lortu dute. "Horrek erakusten digu antolakuntzaren bidez garaipenak posible direla", nabarmendu du Urola Kostako Etxebizitza Sindikatuak.
Horrez gain, Zarauzko Udala ere interpelatu dute, uda sasoian ekitaldiak biderkatu egiten direla argudiatuta, turismoari bideratuta batik bat, Los 40 Summer Live jaialdia esaterako. Pasa den astean herriko hainbat eragilek protesta egin zuten: hainbat ekitaldiri "erraztasun guztiak" eta "diru partida handiak" bideratzen zaizkien bitartean, herriko eragileei "oztopoak" jartzen zaizkiela salatu zuten, baliabide ekonomikoei zein espazio publikoa erabiltzeko baldintzei dagokienean.
Irakurrienak
Matomo erabiliz
#1
Gorka Peñagarikano Goikoetxea
#2
Gorka Peñagarikano Goikoetxea
#3
Behe Banda
#4
Eneko Imaz Galparsoro
Kanal honetatik interesatuko zaizu: Turismo masiboa
2025-06-25
Urko Apaolaza Avila
Ey, ey... Turismo kolonialaren bonba lehertu duela Bad Bunnyk
Reggaetonarekin eta antzekoekin, musika estilo bat ez ezik, Puerto Ricok beste ideia bat zabaldu du mundu osora: turistifikazioaren eta iragan kolonialaren artean dagoen lotura estua. Milioika jarraitzaile dituen Bad Bunny artista da mezu horren bozgorailu. Azken diskoan Jorell... [+]
2025-06-16
Gorka Peñagarikano Goikoetxea
Analisia
Kanarietara bidaiatzeko oharrak
Mingainari kosk txikia eginda joan ginen oporretan Kanarietako Lanzarote irlara. Maiatzaren erdian, turista asko-askorik topatuko ez genuela jakinda, prezio guztiak ere merkeago, eta hara eta hona mugitzeko lasaitasun gehiago. Espero bezalaxe izan zen. “Esperientzia”... [+]
2025-05-22
ARGIA
Bizilagunekin plataformak ‘Donostia Tropikala’ festa egingo du maiatzaren 30ean
Ekimen honekin tonu alai eta ironikoan salatu nahi dute aldaketa klimatikoa eta turistifikazioa elkar elikatzen ari direla, eta horrek "gure hiria eta lurraldea merkatuaren logikaren esku uzten" dituela.
2025-04-09
Bikote perfektua
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
2025-04-08
Unai Lomana Uribezubia
Eneko Goia, auzo elkarteez: “Haiengatik balitz ez legoke ez Behobiarik, ez Klasikoarik, ez Donosti Cupik, ez Zinemaldiarik”
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera ere... [+]
2025-02-19
Estitxu Eizagirre
“Kartzelara bidaltzen bagaituzte ere, hemen egongo da herri bat erasoen kontra defendatzeko prest”
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
2025-01-28
Julene Flamarique
Turismoaren erregulazioa Baztanen: ostatuak kontrolatzeko plana onartu dute
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
2024-12-12
Jenofa Berhokoirigoin
Berotegi-efektuko gas emisioen %8,8 eragiten du turismoak, eta isurketek gorantza segitzen dute
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.
2024-11-14
Urko Apaolaza Avila
Pisu turistikoentzako baimenak urtebetez eten ditu Bilbok
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mila lagunetik gora mobilizatu dira turistifikazioaren eraginen aurka
Bizilagunekin plataformak deituta, hiri eredua eraldatu eta herritarren bizi baldintzak erdigunean jar daitezen eskatu dute ehunka lagunek. Etxebizitzaren eskasia eta garestitzea salatu dute, bai eta egoera horren aurrean, Donostiako udalak izan duen jarrera ere.
2024-10-22
Leire Ibar
Milaka pertsona mobilizatu dira Kanarietako turismo masiboa salatzeko
Uharteetako 25.000 biztanle inguru mobilizatu ziren urriaren 20an turismoaren “gehiegikeriaren”, masifikazioaren eta etxebizitzaren merkatuaren aurka protesta egiteko. Turismoak euren hiri eta herrietatik kanporatzen dituztela salatu dute bertako biztanleek.
Eguneraketa berriak daude