20.000 sinadura bildu dituzte txosnak Euskal Herriko ondare immaterial izendatzeko
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten dugu guk". Gasteizko txosna batzordeak jakinarazi du Ticket Bai fakturazio sistema ezarriko dutela.
Bilboko Miribilla auzoan eginiko elkarretaratzean, Txosnak. Gureak, denonak dinamika aurkeztu zuten maiatzaren amaieran. Euskal Herriko 700 txosnak eta 200 jai batzordek baino gehiagok bat egin dute dinamikarekin, eta elkarretaratzean iragarri zuten txosnak ondare inmaterial izendatzeko "herriz herri, jairik jai, txosnaz txosna eta kuadrillaz kuadrilla" sinadurak biltzen arituko zirela. Bada, igandean, Gasteizko jaien bezperan eginiko agerraldian, dinamikak jakinarazi du oraingoz 20.000 lagunek sinatu dutela eskaria.
Nagore Ugartek eta Iker Martinek irakurritako adierazpenean, dinamikaren aurkezpenean azpimarratu zuten txosnak ez direla "edariak zerbitzatzeko barra hutsak": "Jai herrikoien bihotza, elkartzeko eta elkar zaintzeko guneak, herriak bere nortasuna ospatzen duen lekua; tresna politiko, sozial eta kulturalak dira". Gauza bera egin dute igandean eginiko agerraldian, txosnek ordezkatzen duten "eredu ireki, aske, herrikoi eta euskaldun horrek" bizirik jarraitzea nahi dutela nabarmendu baitute.
Gasteizko txosnek Ticket Bai sistema ezarriko dute lehen aldiz
Milaka gasteiztarrek astelehenean jasoko dute Zeledon Andre Maria Zuriaren plazan, hiriko jaiei hasiera emateko. Bada, ostiralean eginiko agerraldian, Gasteizko txosna batzordeak jakinarazi zuen Ticket Bai fakturazio sistema ezarriko dutela lehen aldiz. Horrela, Arabako aldundiak agindutakoa beteko dute, iaz sistema hori erabiltzeari uko egiteagatik isunak jaso baitzituzten. Txosnen eremuaren aurrean eginiko agerraldian, batzordeko kideek salatu zuten Ticket Bairen bidez "aisialdia pribatizatu" nahi dutela, eta txosnen funtzionamendurako "traba" dela.
"Irabazirik gabeko erakundeak gara, baina enpresen moduan tratatu nahi gaituzte", gaitzetsi zuten Gasteizko txosna batzordeko kideek agerraldian: "Argi utzi nahi dugu inposatutako erabaki bat izan dela". Elkarretaratzea egin eta egun bat beranduago, larunbatean, Arabako Aldundiak adierazi zuen 2022ko abenduaz geroztik 72 jarri dituela Ticket Bai erabili ez duten establezimenduei.
Gasteizko jaietarako erasoen aurkako potrokoloa aurkeztu dute
Gasteizko Mugimendu Feministak eta Lumagorri elkarteak eraso matxisten aurkako protokoloa aurkeztu zuten ostegunean, Andre Maria Zuriaren plazan. "Urteetan lantzen eta fintzen" joandako protokoloa dela azpimarratu zuten agerraldian, "ikaskuntza eta hausnarketa kolektiboaren emaitza". Gainera, erasoei berehala erantzuteko tresna soilik ez, protokoloak "jaiguneak espazio eroso bilakatzeko" ere funtzioa ere baduela nabarmendu dute.
"Jaietan parte hartzen duten guztien ardura da sexu erasoen aurkako jarduera, eta eremu seguruak sortzea da helburua". Horretarako, jaiek iraun bitartean zenbait telefono zenbaki eskuragarri edukiko dituzte pairatutako eta ikusitako kasuak salatzeko: Mugimendu Feministak 747 414 834 telefonoa du martxan; Lumagorri elkarteak, berriz, 633 309 653 telefonoa.
Alarde baztertzailean ardura duen kide bat Jaizkibel konpainiako kide baten kontra oldartu zen. Txosnako kideek inolako erasorik onartuko ez dutela adierazi eta babesa helarazi diote erasoa pairatu zuen pertsonari.
Basaizeak, Baztango Gazte Asanbladak, Baigorriko eta Erratzuko gazteek elkarlanean prestatu dituzte Izpegiko Bestak. Elkartasuna, memoria kolektiboa eta engaiamendu politikoa izanen dituzte ardatz.
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Eta, honekin bai, honekin amaitu da Donostiako Aste Nagusia! Piratei aste bete motz geratzen zaiela eta, egun bat gehitzen diote Aste Nagusiari. Aurten hogeigarren urtez jarraian egin dute Irrikitaldia.
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Beste urte batez Los 40 Summer Live jaialdia ospatuko dute Zarautzen, eta horren kontra agertu dira herriko hainbat eragile, haien ustez, garrantzi handiagoa ematen zaiolako ekitaldi horri herriko jaiei baino: "Argi erakusten du gure herrian zeinentzat dauden erraztasunak... [+]