HITZ BITAN


2021eko uztailaren 20an
- Iñigo Muguruzaren hitzak dira hauek «Entzun!» aldizkarian jasoak: «Operación Triunfoko diskoak pirateatzearen alde nago, baina hemengo talde eta diskoetxe txikiei kalte handia egiten die, eta horrela jarraituz gero, ez dakit hauetako zenbat bizi iraungo diren/garen».
- Kepa Sojo zinemagileak honakoa zioen «El Pais»en: «(Film labur eta luzeen arteko aldeaz hitz egitean) ipuina eta nobelaren arteko konparaketa topikoaren aurrean gaudela uste dut. Istorio bakoitzak bere formatu eta iraupena ditu. Kontatzeko abilezia eta teknika aldetik, ekoizpen handiek baino kalitate handiagoa duten aurrekontu baxuko istorioak daude».
- Anabel Arraizak «Irutxulo»n: «Jendeari kosta egiten zaio plazetan dantza egitea. (...) Jende gutxiago gerturatzen da; moda kontua izan daiteke».
- Txomin Badiolaren aburuz, «azken urteetan, Oteizaren obraren monumentalizazioaren ikuskizun lotsagarriaren lekuko izan gara. Proiektu artistiko eredugarria izandakoak jasandako atentatua, artistaren zahartasunak eta bera inguratzen zutenen ezagutza eta eskrupulu ezak soilik azal dezake». Hitzok «El Correo»n argitaratuak izan ziren.


Azkenak
2024-06-25 | Gedar
Desokupazio-enpresa batek su eman dio Tenerifeko Maizterren Sindikatuaren lokalari

Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.


EuskarAbentura hasteko astebete

Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.


Igari eta Bidankoze arteko errepidea eraiki zuten frankismoaren esklaboei omenaldia egin diete

1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]


2024-06-25
Pantxoa Etxegoin
“Euskararen diagnostiko bateratu bat erdietsi nahi dugu Iparraldean euskara biziberritzeko”

Euskararen biziberritzea Ipar Euskal Herrian jardunaldia antolatzen du ostiral honetan Baionan Euskaltzaindiak. Euskararen alde egiten dena eta ez dena eztabaidatzeko mementoa izango da. Eragileak eta politikariak bilduko dira egun osoan.


Eguneraketa berriak daude