Irailaren 21ean milaka lagun bildu ziren Bilbon Bizkaiko Metal sektorean hitzarmen duina eskatzeko.
ELA sindikatuaren arabera 8.000 bat lagun elkartu ziren Bilboko kaleetan. Hitzarmena sinatzeko negoziazio mahaian ELA, CCOO, LAB eta UGT daude, eta irailaren 21eko manifestazioa babestu zuten ESK, USO, CNT eta CGT sindikatuek.
Sindikatuez gain hainbat eragile sozialek hartu zuten parte, besteak beste, mugimendu feministak, pentsiodunek, ikasleek, Eragin gazte prekarioen plataformak eta Harro LGBT plataformak. Azken honek arratsaldean egin zuen manifestazioa EuroPriden aurka eta elkarretaratze hartan Metalgintzako ordezkariak izan ziren.
Gaur, irailak 23, dute bilera lau sindikatuek FVEM patronalarekin. Eskaera nagusiak ondokoak dira: soldata igotzea; sektoreko azpikontrata guztietan subrogazio eskubidea izatea; neurri zehatzak hartzea behin behinekotasuna eta ETTen erabilera mugatzeko; eta aurrerapausoak ematea genero berdintasunean eta lan osasunean.
Maiatzean eta ekainean bost greba egun egin zituzten eta negoziazio mahaiak nahi besteko emaitzarik ez badu ematen irailaren 30etik urriaren 4ra beste bost greba egun egingo dituzte.
Negoziazio mahaiaren zortzigarren bileran etorri da akordioa ostegun honetan eta 30.000 bat langileri erangingo die. ELAk (ordezkaritzaren %47,8) eta UGTk (%4,3) sinatu dute, eta LABek (%35,8) eta CCOOk (%12.2) ez. Akordioak lau urteko iraupena izango du.
Hitzarmena berritzeko negoziazioetan zegoen blokeoagatik deitu zuten grebara, eta istiluak izan ziren Ertzaintzaren eta manifestarien artean. 22 grebalariren aurkako prozesu judizialak abiatu dituzte, desordena publikoak eta agintarien aurkako erasoak leporatuta.
CCOO, LAB eta UGT sindikatuek beren afiliatuen artean egindako batzarretan langileek baiezkoa eman diote FVEM patronalarekin negoziaturiko lan hitzarmenari baiezkoa ematea. Hamaika eguneko greba eta hainbat mobilizazioren ostean dator akordioa. ELAk oraindik ez du erabakirik... [+]
Bizkaiko metalgintzako patronala lan hitzarmenaren negoziazioan egiten ari den kudeaketa ikusita, enpresa batzuek FVEM elkartetik irtetea erabaki dute, sindikatu abertzalearen arabera. Laugarren egunean Ertzaintza ez da grebalarien kontra oldartu, eta pikete eta protesta... [+]
Bizkaiko metalgintzako hirugarren greba egunak tentsio une ugari ekarri ditu, ertzaintzak langileen kontra egin ondoren. Gutxienez lau pertsona ospitalean artatu behar izan dituzte asteazkenean. Sindikatuek, lantegien eta FVEM patronalaren egoitzaren aurrean egin dituzte... [+]