Arabako metalgintzako sindikatuek lau greba egun deitu dituzte

  • Negoziazio mahaia desblokeatzeko asmoz antolatu dituzte greba egunak ELAk, CCOOek, LABek, USOk, ESK-k eta CGTk. Ekainaren 30ean eta irailaren 21ean, 22an eta 23an egingo dituzte lanuzteak.

SEAren batzar orokorrera eraman zituzten haien aldarriak ekainaren 10ean. Argazkia: LAB Gasteiz.

2022ko ekainaren 22an - 11:51

Maiatzean hiru greba egun deitu zituzten sindikatu berberek, eta ekainaren 30erako eta irailaren 21, 22 eta 23rako deitu dituzte beste lau greba egun. Helburua SEA patronalarekin negoziazio mahaia desblokeatzea da, udako oporren aurretik “pauso ausartagoak” emateko Arabako Metaleko Hitzarmena berritzera bidean.

Sindikatuek adierazi dute patronala konturatu behar dela “bere jarrera mugitu behar duela eta aitortu behar duela egiten dituen planteamenduak ez direla nahikoak”, eta gainera sektorearen beharrei erantzuten ez diotela eta ez datozela bat plantillek sortutako aberastasunekin.

Greben aurreko proposamena

Sindikatuek jakinarazi dutenez, ekainaren 29a aurretik bilera bat eskatuko diote SEAri. Patronalari eskatzen diote “benetako proposamenak” egitea urteko lanaldia murrizteko, malgutasuna mugatzeko eta KPIaren araberako igoerak eta subrogazio zabala bermatzeko.

Hemen LAB-ek argitaratutako testua sindikatu guztien izenean.

Maiatzaren 18ko Arabako manifestazioa. Argazkia: LAB.

Bizkaiko metala ere, hitzarmen duin baten defentsan

Bizkaiko metalgintza sektorean ere greba egingo dute hiru egunez, hala jakinarazi zuten ekainaren 9an ELA, LAB, ESK, USO, CNT, CGT, CCOO eta UGT sindikatuetako ordezkariek. Zehazki ekainaren 23an, 30ean eta uztailaren 1ean egingo dituzte lanuzteak. Helburua: patronalak ezarritako "blokeoa" gainditzea, hitzarmen duina lortzeko. Grebaz gain, ekainaren 13an mobilizazioa egin zuten Barakaldoko BECen Makina Erremintaren Bienala zela probestuz.


Kanal honetatik interesatuko zaizu: Metalgintza
Gipuzkoako metalgintzan ELAk eta UGTk akordioa lortu dute Adegirekin

Negoziazio mahaiaren zortzigarren bileran etorri da akordioa ostegun honetan eta 30.000 bat langileri erangingo die. ELAk (ordezkaritzaren %47,8) eta UGTk (%4,3) sinatu dute, eta LABek (%35,8) eta CCOOk (%12.2) ez. Akordioak lau urteko iraupena izango du.


Bizkaiko metaleko grebalariak epaitegietan deklaratzen hasi dira

Hitzarmena berritzeko negoziazioetan zegoen blokeoagatik deitu zuten grebara, eta istiluak izan ziren Ertzaintzaren eta manifestarien artean.  22 grebalariren aurkako prozesu judizialak abiatu dituzte, desordena publikoak eta agintarien aurkako erasoak leporatuta.


Bizkaiko metalgintzako langileek gehiengo sindikalaren eta patronalaren arteko ituna berretsi dute

CCOO, LAB eta UGT sindikatuek beren afiliatuen artean egindako batzarretan langileek baiezkoa eman diote FVEM patronalarekin negoziaturiko lan hitzarmenari baiezkoa ematea. Hamaika eguneko greba eta hainbat mobilizazioren ostean dator akordioa. ELAk oraindik ez du erabakirik... [+]


Bizkaiko metalgintzako enpresa batzuek FVEMetik irtetea erabaki dutela dio LABek

Bizkaiko metalgintzako patronala lan hitzarmenaren negoziazioan egiten ari den kudeaketa ikusita, enpresa batzuek FVEM elkartetik irtetea erabaki dute, sindikatu abertzalearen arabera. Laugarren egunean Ertzaintza ez da grebalarien kontra oldartu, eta pikete eta protesta... [+]


Ertzaintza metalgintzako grebalarien kontra oldartu da eta hainbat zauritu eragin ditu

Bizkaiko metalgintzako hirugarren greba egunak tentsio une ugari ekarri ditu, ertzaintzak langileen kontra egin ondoren. Gutxienez lau pertsona ospitalean artatu behar izan dituzte asteazkenean. Sindikatuek, lantegien eta FVEM patronalaren egoitzaren aurrean egin dituzte... [+]


Eguneraketa berriak daude