Ertzaintza metalgintzako grebalarien kontra oldartu da eta hainbat zauritu eragin ditu
Bizkaiko metalgintzako hirugarren greba egunak tentsio une ugari ekarri ditu, ertzaintzak langileen kontra egin ondoren. Gutxienez lau pertsona ospitalean artatu behar izan dituzte asteazkenean. Sindikatuek, lantegien eta FVEM patronalaren egoitzaren aurrean egin dituzte elkarretaratzeak goizean goizetik.
Lau langile artatu behar izan dituzte ospitalean Ertzaintzak greban dauden Bizkaiko metalgintzako langileen aurka goizean egindako oldarraldiaren ondoren. Egunero bezala, lantegien aurrean elkarretaratu dira langileak sindikatuek deituta, baina oraingoan pikete baten kontra borraka hasi dira poliziak, Arteako Bildosola industrialdean Pekos Fabricación lantegiaren aurrean zeudela.
Sarean zabaldutako irudietan ikus daitekeenez gutxienez pertsona bat lurrera bota dute eta beste hainbat gogor kolpatu:
Harro euskal langileen borrokaz.
Orgulloso de la lucha de la clase trabajadora vasca.#BizkaikoMetalaGreban
Gora euskal langileen klasea. pic.twitter.com/82tJoUd3pS
— Donostia Bai ??? (@Erramun2014) November 30, 2022
Eskubideak borrokatzen dira, kapitalaren morroiak aurrean badira ere.#BizkaikoMetalaGreban pic.twitter.com/Nl4FxrPzAu
— Igor GDA (@IgorMotri) November 30, 2022
LABek jakinarazi du artatu behar izan dituzten pertsonen artean sindikatu horretako bi arduradun daudela.
Bortizki oldartu da Ertzantza Bizkaiko metalgintzako grebalarien aurka. Hainbat langile zaurituta daude, LABeko bi arduradun ospitalean#BorrokaSindikalaAurrera#HitzarmenDuina#BizkaikoMetalaBorrokan pic.twitter.com/jtL9zcyEdG
— LAB SINDIKATUA (@LABsindikatua) November 30, 2022
Eusko Jaurlaritzako Segurtasun sailak, bere aldetik, oharra zabaldu du berri agentzien bidez, eta oldarraldia arrazoitzeko bere bertsioren arabera grebalari bat identifikatzera joan direnean polizietako bat kolpatua izan da, Naiz.eus-ek nabarmendu duen bezala irudietan halakorik ikusten ez den arren. CCOO, LAB, UGT, ESK, CGT eta CNT sindikatuek Bilboko Sabin etxearen aurrean elkarretaratzea egin dute arratsaldean oldarraldia salatzeko.
"Ertzaintzak, langileok jipoitu eta atxilotzen bagaitu, hori egiteko babesa duelako da, eta ekintza hori erabaki politiko bat da; borroka sindikala oztopatu eta kriminalizatzeko erabakia" Iratxe Azkue, @LAB_INDUSTRIA #BizkoaikoMetalaBorrokan pic.twitter.com/a7xnoCgty6
— LAB SINDIKATUA (@LABsindikatua) November 30, 2022
Hirugarren greba egunean tentsioak gora egin du eta goizean goizetik izan dira tira-birak Ertzaintzak piketeen kontra jarrera bortitza hartu duelako, lekukoen arabera. Igorren, esaterako, petsona bat atzeman dute poliziek.
Hamaika Telebistak azaldu duenez Ormazabal fabrikaren aurrean mobilizatu dira langileak, hain justu FVEM patronalaren buruetako baita enpresa horren jabea. Poliziek lantegiko greba batzordeko bi kideri baino ez die utzi barrura sartzen, mobilizazioen berri emateko.
ELAk elkarretaratzea egin du FVEMen egoitza aurrean eta nabarmendu du grebaren eragina oso zabala ari dela izaten. CCOO, LAB, UGT, ESK, CGT eta CNT sindikatuek mobilizazio oso jendetsua egin dute Basaurin eta horien arabera %85ekoa da oraingoz grebaren jarraipena. Ostegunean eta ostiralean beste bi lanuzte espero dira.
Berriro ere indar erakustaldia. Borroka da bide bakarra. Gaur Ezkerraldetik ibili gara. Langile klase kontzientziadun eta praktikara eramaten duen eskualdea #BizkaikoMetalaGreban #bizkaikometalaborrokan @ELAEzkerKadagua pic.twitter.com/sO5B02IDSQ
— ELA Bizkaiko Metala (@ELAMetalBizkaia) November 29, 2022
Mercedes-Benzeko produkzioa gelditzeko arriskuan berriz ere grebagatik
Aurreko greba zikloan bezalaxe, Gasteizko Mercedes-Benz auto lantegiko produkzioa eten dezake Bizkaiko metalgintzako grebak. Diario de Noticias de Alavak jakitera eman duenez Gasteizko planta hornitzen duen Gestampek ezin du ziurtatu bere stockean duen materialarekin eskaria ase dezakeenik.
"Egoera oso larria da, saihestezina izango baita gure bezero nagusiaren jarduera geldiaraztera eramango gaituelako", azaldu dio Gestampek Mercedes-Benzi, egunkari horren arabera.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]