52.000 langileri deitutako greba zikloa hasi dute sindikatuek Bizkaiko metalgintzako sektorean. Azken negoziazio prozesuan patronalarekin akordiorik ez zen izan eta ondorioz moblizaziora jo dute langileen ordezkariek. Ostegun honetan dute lehen greba eguna.
Orokorrean "giro lasaia" izan da goizean Bizkaiko metalgintzako langileen egindako mobilizazioetan, baina Ertzaintzaren presentzia handiak tentsio une batzuk eragin ditu, batez ere piketeak langileak informatzera joan direnean, sindikatuen esanetan. Ostegun honetako greba eguna CCOO, LAB,UGT, ESK, CGT eta CNT sindikatuek deitu dute –ELAk deialdi propioa egin eta bere aldetik mobilizatu da–. Langileek hainbat tokitan barrikadak jarri dituzte protesta moduan.
52.000 langileri eragiten die grebak eta ostiralean eta azaroaren 2an ere lanuzteak antolatu dituzte sindikatuek: "Giroa ona izan da, jende asko bildu gara piketeetan, jendea indarrarekin eta gogoarekin dago, eta konbentzituta. Hala ere, Ertzaintzaren jarrera salatu behar dugu, jendea identifikatu, atzeman eta piketeen lana oztopatzen egon delako", azaldu du Iratxe Azkue LABeko industria arduradunak Hamaika Telebistari egindako adierazpenetan.
Azkuek azaldu duenez, sektorean egindako azkeneko grebetan baino jarraipen zabalagoa izan du oraingo deialdiak, esaterako, Durangaldea "ia itxita" dagoela esan du LABeko ordezkariak. Tecuni, Arteche, Bombardier, DYF eta Vicinay enpresetan ekoizpena gelditu egin dela jakinarazi dute grebaren deitzaileek.
Eguerdian manifestazio jendetsuak abiatu dira kaleetan barrena, esaterako Durangon.
Manifestazioa hasi da.
Grebak #Durangoaldea gelditu du.
Lan hitzarmenaren duinaren aldeko aldarriek #Durango|ko kaleak hartu dituzte.
? @HamaikaTb @LABsindikatua @LABDurangaldea @CCOOeuskadi @UGT_Euskadi pic.twitter.com/e6hhcgEXLe
— Aiara de Urreta Gabikagogeaskoa (@AiaraGBK) October 27, 2022
FVEM Bizkaiko metalgintzako patronalak ez zuen proposamen berririk eman azkeneko bilerara langileen erosahalmena bermatzeko, eta horrek erabat urrundu zuen akordiorako tartea, sindikatuek azaldu dutenez. Inflazioa goia jota dagoenean, enpresarien elkarteak %6,5eko igoera baino ez dieproposatu aurten: "Pertsonen erosteko ahalmena bermatu gabe jarraitzen duen soldata-proposamena eskaini du [patronalak]. Horren truke, gutxieneko bermea murrizteko, malgutasuna handitzeko eta aldi baterako ezintasunagatiko osagarriak zalantzan jartzeko asmoarekin jarraitzen du", azaldu CCOO sindikatuak.
ELAk, bere aldetik azaldu du ez dela langile guztientzako KPI igoera bermatzen: "Ez dago aurrerapausorik lanaldi murrizketan, ezta subrogazioan ere, ez dira ETTak kontrolatzen, ez da Bizkaiko metalean nahitaezko arbitrajea saihesten, ez dago aurrerapausorik berdintasun planetan...", azaldu du. Horregatik grebara batu eta ekoizpena gelditzeko deia egin die langile guztiei.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Udan lantaldea asko murriztu da langile gehienek oporrak hartu dituztelako, eta sindikatuek salatu dute Correosek apiriletik langileen oporraldien berri izanda ere ez dituela langile gehiago kontratatu.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]