Zenbat jendek izan du COVID-19a Hego Euskal Herrian?

  • Madrilgo Carlos III Osasun Institutuak aste honetan argitaratu ditu SARS-CoV-2 birusarekin lotutako sero-epidemiologia ikerketaren laugarren errondako emaitzak. Hego Euskal Herria talde-immunitatea lortzetik oraindik urrun dagoela erakusten dute datuek.

Gizon bat COVID-19aren testa egiten (argazkia: EFE).

2020ko abenduaren 16an - 10:06

Azaroaren bigarren erdian hartutako datuekin egindako ikerketaren arabera, Nafarroa da Hego Euskal Herriko lurraldeen artean kutsatze-maila altuena izan duena, baita immunitate-tasa altuena daukana ere: %14,3. Carlos IIIren datuek erakusten dutenez, Nafarroaren ondoren Araba da portzentaje altuena daukana (%12), Bizkaia atzetik (%8,4) eta Gipuzkoa azkenik (%6,4).

Kopuru horiek oraindik urrun daude talde-immunitatea erraztuko lukeen portzentajetik, izan ere, uda honetan Science aldizkarian argitaratutako ikerketa baten arabera, populazioaren %43 inguruk eduki behar lituzke antigorputzak garatuta SARS-CoV-2aren kasuan talde-immunitatea lortzeko.

Portzentaje horiek lurralde bakoitzaren populazioarekin gurutzatuz gero, Hego Euskal Herriko 275.000 biztanlek baino gehiagok COVID-19aren aurkako antigorputzak garatu dituztela ondoriozta daiteke, betiere ikerketa honek emandako datuetan oinarrituta.

Xehetasun garrantzitsuak

Hala ere, ikerketak utzitako datuak xeheago begiratzea komeni da, izan ere, laugarren erronda honetan seroprebalentzia erakutsi duten pertsonen kopurua txikiagoa da. Alegia, azaroan egindako testetan, pertsona gutxiagori detektatu dizkiete antigorputzak test azkarren bidez. Zehazki, Nafarroan %10,8ri, Araban %9ri, Bizkaian %5,9ri eta Gipuzkoan %4,6ri.

Horrek ez du esan nahi immunitatea azken errondan test positiboa eman dutenek bakarrik daukatenik, ikerlarien arabera antigorputz maila baxuak detektatu gabe geratu daitezkeelako erabilitako tresnekin.

Ikerketak dauzkan beste muga batzuk ere azaldu dituzte Carlos IIIk argitara eman duen txostenean. Besteak beste, “instituzionalizatu gabeko” herritarrak bakarrik hartu dituztela kontuan eta horrek kanpo uzten dituela zaharren egoitzetan bizi diren pertsonak, baita beste instituzio batzuetan daudenak ere.


Kanal honetatik interesatuko zaizu: Covid-19ren biharamunari so
2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


2022-04-12 | ARGIA
Downing Streeten pandemia garaian festak egiteagatik isuna jaso du Boris Johnsonek

Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.


2022-04-06 | ARGIA
Apirilaren 20tik aurrera Hego Euskal Herrian ez da maskararik beharko barrualdeetan

Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.


2022-02-11 | ARGIA
Osasun larrialdiaren amaiera iragarri du Jaurlaritzak

Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.


COVID-19 pasaportea 2022ko uda arte mantentzearen alde bozkatu du Frantziako Legebiltzarrak

Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.


Eguneraketa berriak daude