Jaurlaritzak festetan jende pilaketak espreski debekatu ditu eta gainontzeko neurriak mantendu
Asteazken goizean bildu da ostera ere Labiren Aholku Batzordea, eta bileraren ostean mintzatu da Iñigo Urkullu EAEko Lehendakaria. Asteartean Gobernu kontseiluan onartutako Bizi Berri IV Plana ere aurkeztu du, eta gizarteari babeserako oinarrizko neurriak berriro ere erdigunean jartzeko eskatu dio. Neurriak beren horretan mantentzen badira ere, kale zurruta eta "ez-jaiak" eta oro har jende pilaketak eragiten dituzten bestelako topaketak egiteko debekua gehituko dute.
Eguerdian emandako prentsaurrekoan iragarri du Iñigo Urkulluk Jaurlaritzak ez dituela orain arte ezarritako neurriak gogortuko. Asteazkeneko erabakia asteartean onartutako Bizi Berri IV Planaren gidalerroen arabera hartu dute.
Planak hiru egoera bereizten ditu: "Transmisio baxua", hamalau eguneko intzidentzia tasa metatua 100.000 biztanleko 0 eta 60 kasu positibo artekoa denean; "Transmisio neurrizkoa", intzidentzia tasa 60 eta 150 kasu positibokoa denean; eta, azkenik, "Transmisio tentsionatua", intzidentzia tasa 150 eta 300 artekoa denean. Datu horrez gain, ZIUko okupazioa eta aldaera berrien eta aurretik immunitatea zutenen kutsatze kopurua ere kontuan hartzen du egoera bakoitzak erreferentziazko adierazle moduan [ikusi hemen Planaren xehetasunak].
Azken asteetan kasuen kopuruak gora egin badu ere, ZIUetako okupazioa gero eta txikiagoa da, eta hori dela-eta erabaki dute neurriak ez gogortzea, azken egunetan airean zegoen aukera baitzen zenbait neurrirekin atzera egitea, tabernen ordutegiekin, kasu. Nafarroan, hain zuzen ere, asteazkenetik aurrera goizaldeko 01:00etan itxi beharko dituzte tabernak. EAEn mantentzen diren neurriak honakoak dira: tabernak 02:00etara arte egon daitezke zabalik, ostalaritza establezimenduetako mahaietan gehienez sei lagun elkar daitezke, elkarte gastronomikoak zabalik mantenduko dira eta kirol ikuskizunetan ikusleak egon ahalko dira.
Hala ere, ostegunean indarrean sartuko den dekretuan elementu berri batzuk egongo dira. Neurriak beren horretan mantentzen badira ere, kale zurruta eta "ez-jaiak" eta oro har jende pilaketak eragiten dituzten bestelako topaketak egiteko debekua gehituko die dekretuak, betiere topaketa horietan pertsonen artean metro eta erdiko distantzia mantentzen ez bada, barruan zein kanpoan. Halaber, egoeraren joerak okertzen jarraitzen badu ostalaritza merkataritza eta kultur jarduerak ixteko ordutegia aurreratzea eta bestelako neurri batzuk hartzeko aukera uzten du dekretuak.
Azkenik, gizarteari mezua helarazi dio Urkulluk, arriskua dakarten hiru faktore nagusik baldintzatzen dutela egungo egoera berria. Batetik, birusaren aldaera berrien eragina. Bestetik, gazteen artean birusak duen intzidentzia altua, oraindik txertatzeke dagoen talde nagusia baita (ostiralera aurreratu dute 16-29 adin-tartekoek txertoa hartzeko txanda eskatzeko aukera). Eta, azkenik, mugikortasun altua eta arrisku handiko interakzio sozialak eta jai-girokoak. Horregatik guztiagatik, oinarrizko babes neurriak errespetatzearen garrantzia azpimarratu du. Beste inor ez dagoen aire libreko lekuetan izan ezik une oro musukoa eramateko eta jendarteko topaketetan beti metro eta erdiko distantzia mantentzeko gomendioa egin dute, eta adi egoteko eta zuhurtziaz jokatzeko eskatu dute.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.
EAEko Lehen Hezkuntzako haurrei gainontzeko pertsona guztiei onartzen zaizkien eskubideak onartzea, horixe da Haurrak Ere Bai sarearen eskaria.
Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.
EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]
Normaltasuna berreskuratzen hasteko eta unean uneko osasun egoerari erreparatuz neguko jaiak antolatzeko prestaketa lanetan ari direla aurreratu du Eneko Goia Donostiako alkateak.
Maria Txibite lehendakariak koronabirusaren aurkako neurri murriztaileen amaiera iragarri zuen asteartean. Horrek hainbat galdera, zalantza sortu ditu herritarren artean. Horiei erantzuten ahalegindu gara.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Araba, Bizkaia eta Gipuzkoako biztanleek lor dezakete jada Europako Covid ziurtagiria, telematikoki baina izenpe digitalaren prozedurarik gabe. Izenpe digitalarekin nola egin zitekeen (Nafarroan ere) hemen kontatu genuen; orain azalpen gehigarri bat.
LABIren azken bileraren ostean eman du berria Iñigo Urkullu lehendakariak. Joan den urteko urritik daude itxita EAEko elkarte gastronomikoak, eta larunbatetik aurrera berriz ere zabaldu ahal izango dira. Nafarroan maiatzean eman zuten zabaltzeko baimena. Horrez gain,... [+]
Hortxetan dugu uda, eta harekin, urtaro honi lotu ohi ditugun oporrak, urte osoan eman guztiaren ordaina balira bezala. Eta berriro ere jendeak joan nahi du… urrun. Munduaren beste puntako itsas-bazter, naturako mirari edota diskoteka ospetsuan egon nahi du, 2020-2021... [+]
COVID-19 pandemiak super aberatsen fortuna biderkatu egin du, milioika pertsona pobreziara jaurti dituen bitartean. Horixe da Forbes eta Credit Suisse-k ematen dituen datuekin Oxfamek urtero atera ohi duen txostenaren aurtengo ideia nagusietako bat. Bertan jasotako datu nagusiei... [+]