ARGIA.eus

2022ko urtarrilaren 26a

Uda, bidaiak eta mugazainak

Jenofa Berhokoirigoin @Jenofa_B
2021eko ekainaren 20a

Hortxetan dugu uda, eta harekin, urtaro honi lotu ohi ditugun oporrak, urte osoan eman guztiaren ordaina balira bezala. Eta berriro ere jendeak joan nahi du… urrun. Munduaren beste puntako itsas-bazter, naturako mirari edota diskoteka ospetsuan egon nahi du, 2020-2021 urteak irakaspen ekologikorik eman ez baligu bezala. “Urrun. Hegazkinak eraman nazala ene egunerokotasunetik urrun”. Urrun edo hurbil. Euskal herritar batek nahiko du muga administratiboa zeharkatu, gure bazterrak deskubritzeko gogoz. Baina hara, aurten, nortasun agiriaz gain, bestelako bat erakutsi beharko diogu mugazainari: COVID ziurtagiria. Baldintza: gaitza pasatu izana, txertoa hartu izana edo aitzineko egunetan egin testan negatibo eman izana. Egunerokoaz bereizi eta bidaiatzeko bide ditugun ekitaldi kulturaletan egoteko ere galdetuko zaigu COVID ziurtagiria. Sarrerako langile edo boluntarioa mugazain bihurtuko zaigu, balizko ziurtagiria duenari soilik bideratuz kulturaz gozatzeko aukera, eskubidea, xantza, pribilegioa –deitu nahi duzun bezala–.

Urrun, hurbil ala emozionalki bidaiatzeko aukera mugatua dugu aurten –ez ordea iaz bezainbat, eta seguruenik horregatik dugu hain errazki onartzen baldintza–. Sinpleena dugu txertatzea, “bakea eta bi sos” erranzaharra “txertoa eta bi sos” bihurtzen dugula. Bestela, PCR froga dugu bidea. Ipar Euskal Herriko herritarrok, Segurantza Sozialari esker ez dugu ezer pagatu behar egin ahal izateko; Hego Euskal Herrian ordea garesti ordaindu behar izaten duzue –diruz prekario direnak txertatzera bideratuko direla aurreikusi daiteke errazki–.

Honekin guztiarekin, ez noa txertoari buruzko auzia irekitzera, baizik eta txertoari buruzko erabakitze-espazioa galdekatzera, hori bai, ez egitearen hautuak ondorioztatzen dituen bazterketa eta debeku astunetan soa jarriz. Ez noa erantzunak ematera, bakarrik galderak luzatzera, ikaragarriki aldatuz doan gure egunerokoa galdekatzera, besterik gabe. COVID ziurtagiria berriro “iragan mundurako” ateak irekitzeko bidea baldin badugu, ateak hesteko bidea ere izanen delako beste batzuentzat. Edukitzea delarik baldintza, beti dagoelako norbait baztertua, arrazoi bat ala besteagatik eduki ezinean dagoena.


Covid-19ren biharamunari so kanaletik interesatuko zaizu...
COVID-19 pasaportea 2022ko uda arte mantentzearen alde bozkatu du Frantziako Legebiltzarrak

Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.


2021-10-17 | Unai Brea
Iñigo Urrutia. Pandemiaren kudeaketa legediaren ispiluan
“Gizarteak egiteke du eskubideen mugaketari buruzko eztabaida”

EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]


2021-10-15 | ARGIA
Lehen Hezkuntzako haurrek maskara erabili beharraren aurka protesta egingo dute astelehenean EAEko ikastetxeetan

EAEko Lehen Hezkuntzako haurrei gainontzeko pertsona guztiei onartzen zaizkien eskubideak onartzea, horixe da Haurrak Ere Bai sarearen eskaria.


2021-10-13 | ARGIA
Ibai Aginaga euskal preso politikoak gose greba hasi du Basauriko kartzelan

Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.


2021-10-06 | ARGIA
Neguko jaiak prestatzen hasi dira Donostian

Normaltasuna berreskuratzen hasteko eta unean uneko osasun egoerari erreparatuz neguko jaiak antolatzeko prestaketa lanetan ari direla aurreratu du Eneko Goia Donostiako alkateak.


Irakurrienak
ASTEKARIA
2021eko ekainaren 20a
Azken albisteak
Argia buletina
Egunaren laburpena
zure e-postan
Eguneraketa berriak daude