Plataformak azaldu duenez, Araba, Bizkaia eta Gipuzkoan Hezkuntzan ezarri diren protokolo berrietan Lehen Hezkuntzako haurrei ez zaie onartzen eskola-eremuko kanpo espazioetan eta soin-heziketako ikastorduetan musukoa kentzea. Horren aurrean, plataformak protestara deitu du, eta datorren astelehenerako planto egiteko deia luzatu dio hezkuntza komunitateari, eskolak bukatu ondoren, ikastetxeetako irteeran 10 minutuko bilkurak egiteko, aipatu espazioetan haurrak musukorik gabe ibili daitezen. Informazioa Hik Hasi-k Argiaren Eragileen plazan duen txokotik jaso dugu.