Osasun larrialdiaren amaiera iragarri du Jaurlaritzak
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Ostegunetik aurrera musukorik gabe ibili daiteke aire librean Hegoalde osoan, Espainiako Estatuko Lurralde arteko Osasun Kontseiluak hala erabakita; eta aurrera begira, bakarrik jarraituko dute indarren kirol ekitaldien aforoek eta eta maskara eremu itxietan erabiltzeko derrigortasunak. Eremu hauek estatu mailako eskumenak dira.
Gainerako debekuak bertan behera geratuko dira, hala nola, ostatuak 1:00etan ixtea, %60ko aforoak, barran kontsumitzeko debekuak edo tabernetan hamar pertsonatik gora esertzeko debekua.
Iñigo Urkullu lehendakariak ostegun honetan adierazi zuenez une honetan neurri hauek guztiak hartzeko baldintzak betetzen dira, bai txertaketa datuek hobera egin dutelako, bai omikron aldaera kontrolatuago dagoelako eta ez delako horren kaltegarria, baita, azken finean, Europako gainerako herrialdeetan antzerako neurriak hartzen ari direlako ere.
Neurri hauek guztiak arautzen dituen dekretua larunbatean kaleratuko du Eusko Jaurlaritzak eta astelehenetik aurrera egongo da indarrean.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.
EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]